اقتباس:
المشاركة الأصلية كتبت بواسطة ahmedfezo
اولا الكوسة فى كل حتة ...................للى بيفرق شطارة الواحد
عندنا فى أسيوط الكوسة لا تتعدى امتحان الشفوى فقط (السنوات الأكاديمية ...........أول سنين يعنى)
وكمان امتحانات الشفوى مش صعبة ولا حاجة لو مذاكر هتعدى
ثانيا ونيجى للموضوع المهم
1- المنيا فعلا كويسة من ناحية التقديرات ولكن للأسف سيئة من ناحية التعليم (امتحاناتهم سهلة وعلشان كدة لا أنصح بيها) اللهم أنك عايز تخلص بسلاسة
2-نركز على الثلاثة الباقيين
القاهرة وعين شمس أحسن بكتير من أسيوط وده كلام واقعى فعلا
من ناحية الدكاترة (أفضل دكاترة هتلاقيهم فى القاهرة )
ومن ناحية ضمان الجودة لأن أسيوط حديثة عهد بالاعتماد ده (معتمدة من 2012 فقط)
ضع فى حسبانك كمان موضوع المستشفيات لأنك بعد أول 3 سنين هتدخل المرحلة الاكلينكية
وهنا تفرق المستشفيات
وللعلم عين شمس أسوا مستشفى على الاطلاق (مستشفى الدمرداش )
أفضل مستشفى هى مستشفيات القاهرة
من ناحية التعليم والامتحانات فعين شمس تكسب لأن عين شمس متميزة بصعوبتها (وده فى صالح كفة التعليم )
طيب نيجى دلوقتى اختار ازاى ؟
نصيحة ابعد عن عين شمس لأن مستشفياتها سيئة (على حد ما سمعت )
وللى يقولك التعليم فيها كويس افتكر (كل كليات مصر غير معتمدة دوليا ...فميش فرق)
ركز على القاهرة أو أسيوط
لو تقدر توفر سكن كويس ومواصلات فى القاهرة يبقى القاهرة
بس حط فى بالك ان القاهرة من أشد الكليات فى المنافسة لأن العدد كبير والطلاب شاطرين جدا
(بيقولوا مفيهاش كوسة والله أعلم ....وده كويس)
لو متقدرش خلاص خليك على أسيوط
وصدقنى أسيوط مش وحشة
بس مشكلتها ان الدكاترة فيها خليط
فيها الكويس وفيها الوحش وانت وحظك بقى
بس عادى تقدر تتفادى كل ده
بس التعليم فى أسيوط الى حد ما متوسط وكويس
ده للى عندى
|
والله مش عارف اشكر حضرتك ازاي يا دكتور احمد على هذه المعلومات المفيده بس اخر حاجه (علشان انا عايز استفيد من حضرتك لان حضرتك مجد فااااااااااااااااااااااهم )
لو هقارن بين القاهره وعين شمس ترشحلي ايه وليه .......؟؟؟؟؟؟؟؟؟؟؟
31-07-2015, 03:05 AM
العرض الشجري
