من امراض العمود الفقرى

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم


" من امراض العمود الفقرى "



المرض دا بقى الحداب او التحدب .. Kyphosis و المرض التانى التقعر Lordosis
الحقيقة اللفظ بتاع Kyphosis دا او Lordosis مش بيستخدم بوجه عام كمرض لان اجزاء العمود الفقرى فيه نسبة تحدب و تقعر طبيعى عشان تمتص الصدمات و مش اى خبطة تعمل كسر فى العمود الفقرى و عشان تناسب الحركة بتاع الجسم ..



يعنى الفقرات العنقية عاملة القوس بتاعها دا لقدام زى الرسمة و بعدين عكسها الصدرية القوس لورا و بعدين عكسها القطنية لقدام و العجزية العكس لورا ...

لكن المرض لما بتزيد نسبة التقعر او التحدب دا فى الفقرات فيبقى فى عندنا
Increased Kyphosis or increased lordosis
‫


#‏الاسباب‬ :-
1- ممكن تكون الاسباب دا عيب خلقى او من ساعة الولادة و دا غالبا بتستدعى تدخل جراحى ..
2- ممكن تكون بسبب وضع غلط فترات طويلة يعنى مثلا جلسة مش صحيحة و الوقوف و النوم و غيرها بطريقة غير صحيحة ..
3- ممكن يكون سبب عصبى عمل مشاكل فى العضلات نفسها و ممكن يكون العيب الاساسى ان فى عضلات ضعيفة و عضلات قوية ..



.................



‫#‏بوجه_عام‬ : فى اتزان بين العضلات على جانبى العمود الفقرى لو حصل خلل بين العضلات على جانبى العمود الفقرى يعملى Scoliosis ... و فى اتزان بين قوة العضلات فى الجهة الأمامية و الجهة الخلفية من الجسم لو حصل خلل ممكن تعملى واحد من المرضين دول :-

1- Kyphosis .. و دا معناه زيادة نسبة التحدب ( شكل محدب يعنى اتجاه القوس لورا ) و التحدب دا موجود بنسبة فى الفقرات الصدرية و الفقرات العجزية Thoracic and Sacral .. زى الرسمة

2- Lordosis ... و دا معناه زيادة فى نسبة التقعر (شكل مقعر يعنى اتجاه الانحناء او قمة الانحاء لقدام ) و دا موجود بنسبة فى الفقرات العنقية و القطنية Cervical and lumbar ...
......................

‫#‏من_القواعد_فى_العمود_الفقرى‬ شوف يا سيدى لو فى جزء من الفقرات حصل فيها خلل مع الوقت بتعمل اثر فى باقى الفقرات يعنى لو زاد التحدب فى الفقرات الصدرية تلاقيها زودت التقعر فى الفقرات القطنية و تبدا تضرب فى العمود الفقرى كله ..

و دا ياثر على الكتفين و ياثر تحت على الحوض و يعمل مشاكل جامدة عشان كدا لازم تتعالج الحالات دى بدرى ...



‫#‏بالعلاج_الطبيعى‬ انما لو طنشت بيبقى لازم عملية جراحية فى المراحل المتاخرة ..
مشكلة هنا فى مصر عدم تحويل الحالات من بدرى او ان المريض بيطنش او يكسل فبيدخل فى المراحل المتاخرة ..

..............

Kyphosis : -


زى ما فى الصورة ايه السبب هنتكلم لو سببه خلل فى قوة العضلات ..
لما انت تكون طبيعة شغلك ‫#‏بتشيل_حاجات_تقيلة_لفترة_طويلة‬ على ظهرك او بتشيل شنطة تقيلة على الكتفين لفترات طويلة ..

رد فعل من الجسم و دا ‫#‏قانون_ميكانيكى‬ عشان متقعش لانك شايل الشنطة على ظهرك تلاقيك انحنيت لقدام ليه ؟! لانك لو الشنطة دى سحبتك لورا تقع فكرد فعل من الجسم بتنحنى لقدام .. عشان تحافظ على اتزانك و نتيجة لكدا بتضغط على ..

----- العضلات الصدرية الامامية و الجزء العلوى من عضلات البطن ..

و فى نفس الوقت العضلات الى موجودة فى الجزء الخلفى من الصدر تبدا تضعف الى هما اسمهم Thoracic extensors و كمان بتضعف الجزء السفلى و الوسطى من عضلة ال Trapezius ...

دا بيحصل فى الفقرات الصدرية او العجزية ..

......

Lordosis :-


العكس بقى فى مرضى ال Lordosis دا مثلا بيحصل فى ‫#‏الحوامل‬ + ‫#‏الناس_الى_عندهم_كرش‬ لان الشخص الى بيعانى من الكرش او المراة الحامل بيكون الوزن بتاع البطن دا بيشدهم لقدام فتلاقيهم كرد فعل من الجسم عشان ميقعوش يرجعوا بظهرهم لورا .. فيحصل العكس ان العضلات الخلفية تكون اقوى ..

و قلنا دا بيحصل بس الفقرات العنقية او القطنية


........

لو سبنا الامراض دى لفترة بتبدا تعمل انحناءات فى باقى العمود الفقرى و بتبدا تاثر على الكتفين و بتبدا تاثر على دوران الحوض كمان ..

.......

‫#‏العلاج_الطبيعى‬


1- العضلات الى حاصل فيها ‫#‏ضعف‬ بنعملها تقوية زى تمرينات المقاومة و غيرها Active resisted exercise و ممكن بندمج معاها وسائل علاج كهربى او وسائل تقوية تانية مثلا زى جهاز الفارادك Faradic


2- العضلات ‫#‏المشدودة‬ او القوية دى عايزين نقلل فيها الشد بنعملها برنامج تمدد كامل يعنى ممكن بنعملها حرارة الاول عشان نقلل من مقدار الشد الى فيها و بعدين نعملها Stretching exercise نبدا نفكها و بعدين ممكن برده بعد الجلسة عشان الآلام الى ممكن تكون موجودة بعد التمارين نحط وسيلة تبريد Cold ..

.......

#العلاج_الطبيعى فعال فى المراحل الاولى و المتوسطة لكن المراحل المتاخرة بتكون الحالة اتاخرت و لازم شرايح و مسامير و تقطيع و بتعمل مشاكل للمريض فى الحركة مدى الحياة ..

.......

‫#‏للطلاب‬ : يعنى من الآخر هتشيل شنطة تقيلة لفترات طويلة على ناحية واحدة هيجيلك Scoliosis هتشيل شنطة تقيلة لفترات طويلة على الكتفين هيجيلك Kyphosis لو بقى عندك كرش و مخستش هيجيلك Lordosis .. و بعدين تطنش يجيلك كللللللللله و يجيلك مشاكل فى الكتف و الحوض و احنا نشتغل بقى و ناخد الفلوس .





اعرف عن العلاج الطبيعى



و السلام عليكم و رحمة الله و بركاته