الاوراق و المقابلة الشخصية و اخر تطورات المهنة 2015

[DPT-Blue Phoenix]

اقسام الكلية :-

العلوم الاساسية-1
2-الميكانيكا الحيوية

دول مش اقسام تخصص انما دى 1 و 2 دول اقسام لمواد الكلية الاساسية و مادة الميكانيكا الحيوية

3-النساء والتوليد
4-الجراحة والحروق
5-الباطنة والمسنين
6-العظام
7-الاطفال
8-الاعصاب

ال 6 اقسام التانية دى بقى هى الاقسام الى بندرسها فى سنين العملى و هى اقسام التخصص الى ممكن تاخد فيها ماجستير بعد كدا
*********************

*سنوات الدراسة بالكلية :-

تنقسم سنوات الدراسة بالكلية طبقاللائحة الجديدة الي 6 سنوات
وهي 5 سنوات دراسة اكاديمية بالاضافةالي سنة الامتياز وهي سنة تدريب عملي
بالمستشفيات
والسنوات الخمس الاولي تقسم كما يلي
الاولي والثانية دراسة تمهيدية
الثالثة تكميل الدراسة التمهيديةودراسة قسم الباطنة
الرابعه يدرس بها قسم العظام والنساء
والجراحة والحروق
الخامسة يدرس بها قسم الاعصاب وقسمالاطفال
*********************
*الاوراق
المطلوبة للتقديم بالكلية :-

1-شهادة الميلاد كمبيوتر
2-شهادة الثانوية العامة

3-بطاقة الترشيح
4-صورة البطاقة الشخصية
5-عدد 12 صورة شخصية
6-نموذج 2 جند للبنين
*******************

*الاوراق المطلوبة
للتقديم بالمدينة الجامعيه

1-عدد 4 صور شخصية (هيكونوا من ضمنال 12 صورة
بتوع الكلية يعني هتاخد 4 صور توديهمللمدينة بس بعد ما يتختموا من الكلية )
2-صورة البطاقة الشخصية والاصلللاطلاع
3-صورة بطاقة الترشيح
4-ايصال كهرباء او مياه او غاز اوفاتورة تليفون لاثبات محل اقامة الطالب او
الوالد
*يكون التقديم كالتالي:
الدخول على الموقع


http://hostle.cu.edu.eg/Default.aspx

- التسجيل كطالب مستجد -تحميل ملف المدينة من خلال الموقع واكمال كافة
البيانات من
خلال مكتب التضامن الاجتماعي ببلدكوتقديمه للكيلة اثناء تقديم اوراق الكلية حتي
يتم استكماله من الكلية ومن ثم يقدمللمدينة مع الاوراق التي ذكرناها
بخصوص المقابلة الشخصية*
محدش يقلق منه هي بتكون حاجة روتينيه بتدخل لدكتورويقولك انت منين واسمك ايه وممكن يقولك كلمني عن نفسك بالانجليزي ممكن يقولك تعرفايه عن الكلية وانت داخلها برغبتك ولا تنسيق
اي اجابات بتتجاوب عادي جدا الغرض من المقابلة انهم بسيعرفوا انك بتكلم مفيش عندك لعثمة في الكلام ولا عندك تشوهات في العمود الفقري
مفيش حاجة اسمها درجات ولا الكلام اللي بتسمعوه ده
كله بيعدي فيه باذن الله حاجة بسيطة بلاش تقلقوا نفسك علي الفاضي


شكرا لاتحاد الطلاب ..


و الصورة دى بتوضح كلامنا و اخر تطورات العلاج الطبيعى و بعد الدى بى تى DPT من حقنا ان يكون لينا حق ان المريض يجيلنا الاول يعنى يكون لينا حق التشخيص الاولى مش لازم تكون الحالة متحولة من الدكتور البشرى و دا كافى انه ينقل العلاج الطبيعى نقلة تانية خالص الدى بى تى شهادة عالمية و هتطبق فى العالم كله بحلول سنة 2020 ..

و فعلا اول دفعة بتاخد الدى بى تى دلوقت فى مصر من خريجى العلاج الطبيعى

العلاج الطبيعى فى اخر الاستطلاعات واخد المهنة ال6 على مستوى العالم


بمتوسط مرتبات حوالى 81600 دولار سانويا يعنى بما يساوى تقريبا 600 الف جنيه مصرى و دا فى امريكا ..


العلاج الطبيعى بحلول عام 2022 هيتقدم عن مركزه الحالى بحوالى 36% دا اخر الاخبار فى 2015 عن العلاج الطبيعى و مركزه و طبعا هيتقدم عشان تطبيق الدى بى تى ..

و الدى بى تى الى متطبقة دلوقت اسمها الدى بى تى الانتقالية Transitional DPT الى بناخدها بعد سنين الدراسة و بعد كدا فى محاولة لضم الدى بى تى مع سنين الدراسة و تبقى الكلية 7 سنين او 8 و نص على بعضه تقريبا ..


و كون ان مهنتنا تحقق دا فى الوقت القصير دا اعجاز و بيوضح قد ايه العلاج الطبيعى فعال و لا يقل عن المهن الاخرى بل يزيد عليها ان ملوش اثار جانبية و فعال جدا ..

ممكن حضراتكم تشوفوا وسائل العلاج الكهربى و الحرارة و البرودة و المغناطيس و غيره و هتعرفوا قد ايه العلاج الطبيعى مهم و فعال فى العالم كله المواضيع دى كلها موجودة على منتدى الثانوية هنا


علاج طبيعى و افتخر DPT

و من المحتمل تغيير اسم الكلية ل

((طب العلاج الطبيعى و التاهيل او العلاج الطبيعى و التاهيل الطبى ))

Faculty of physical therapy and rehabilitation
لان طبعا التاهيل دا خاص بمجال العلاج الطبيعى مش اى كلام تانى ..