اقتباس:
المشاركة الأصلية كتبت بواسطة الشاعر الطبيب
بالنسبة لموضوع القلق و كده وانك حاسس ان مستواك نزل و كده لازم تسأل نفسك انا قلقان ليه ؟؟ فى واحد يقولك انا مش مذاكر .... والتاني يقولك والله انا بخاف من الامتحانات ... والتالت بقولك انا مذاكر بس مش عارف اتعامل مع الوضع الجديد .....الخ تعدد الاسباب و النتيجة واحدة و هو الشعور بالقلق ... لازم نعرف يا جماعة ان القلق صفة من صفات اي انسان ولكن السؤال هل كل انسان عنده الفطرة دي لازم يظهرها عنده ؟؟؟ الاجابة لأ يكفيك انك تعرف انك لو قلقان بتفقد جزء من قوة تذكرك لاي معلومة من 50 الى 95 % ... وان فى احدث الاحصائيات اثبتت ان السبب الرئيسى للفشل هو القلق ....و الاكتر من كده ان القلق بيأثر على صحتك العضوية بشكل كبير يؤثر على حاجات زى القلب و الرئتين وغيرهم ........ طيب واحد يسأل دلوقتى ايه الحل
1_ ثق فى الله واعلم ان الله لن يضيعك ابدا وانه احن عليك من والدتك اما يكفيك قوله _تعالى _ " ونحن اقرب اليه من حبل الوريد "
2_ثق فى قدراتك واعلم انك افضل مخلوقات الله فى الكون كله ..
3_صفى نيتك لله ... واوعى تتخابث على حد واعلم جيدا ان القمة ليست مكان لشخص واحد فقط انما ربما يكون هناك الالاف عليها يقول السير ونستون تشرشل ( كان رئيس وزراء بريطانيا ) : الناس تظن ان القمة مثل قمة الجبل لا تتسع الا لشخص واحد انما انا اظنها مثل الهضبة تتسع للكثيرين ) ...
4_اعمل اللى عليك و خليك دايما متوكل على الله و ليس متواكل يعنى ذاكر و قول يا رب وفقنى مش تقعد تلعب وتقول يا رب وفقنى ... هو فى زرع بينمو من غير ماء ؟؟
5_اعرف ان شبابك و عمرك هتتسئل عليهم يقول النبي محمد _ص_" لا تزولا قدما عبد يوم القيامة حتي يسأل عن اربع منها عن عمره فيما افناه و عن شبابه فيما ابلاه "
6_اعمل جدول ليومك خلي فيه مذاكره و خروج و اهلك و تلفزيون يعنى خليه متوازن ..
7_رضا والديك ..دايما خليهم يدعولك وقبل قدميهما قبل ايديهما و فى اخوة لنا ربما فقدوا ابا او اما او كليهما لازم تعرفوا انهم بيحسوا بيكم عشان كده اجتهدوا عشان تفرحوهم
8_الاخلاص فى العمل يقول النبي _ص_ " ان الله يحب اذا عمل احدكم عملا ان يتقنه ...
وفى معايا مجموعة قصص عن النجاح و السعى اليه اللى يحب من حضراتكم يعرفها يعرفنى فى كومنت وانا هنزل كل يوم حلقة منها..
فى النهاية اعتذر ان اطلت عليكم بكتابتى ولكن اردت ان اقف بجوار احبتى فى الله ... فهذا جهدى اقدمه فإن اكن وفقت فذلك فضل الله يؤتيه من يشاء و ان تكن الاخري فالخير اردت لا سواه ...
#الوصول_للقمة_سهل_انما_الصعب_هو_الحفاظ_عليه ا
|
كلام راائع أخي الكريم .. جزاك الله كل خير ..
#الوصول_للقمة_سهل_انما_الصعب_هو_الحفاظ_عليها
فعلا وما أصعب أن تكون في القمة ثم تكون في القاااااااااااااااااااااااع ..............................
25-11-2014, 07:30 PM
العرض الشجري
