على هامش نصر اكتوبر العظيم

[any name]

في حروب' بعدما تنتصر فيها'
بتحس بقيمة إنجاز النصر ده' زي بالظبط امريكا وروسيا لما انتصر الحلفاء على دول المحور في الحرب العالمية التانية.
بغض النظر عن اسلوب واداوت النصر' إلا إن نتيجة النصر ده في الآخر
' إن امريكا والاتحاد السوفيتي بقوا هما القوى العظمى الجديدة في العالم بعدما كانت بريطانيا وفرنسا هما اللي قايمين بالدور ده.
وفي برضه' عالناحية التانية من نفس الحروب دي'
بعدما تتهزم فيها' بتقدر تعمل المعجزة اللي تخليك تحقق اعلى استفادة من هزيمتك دي' زي بالظبط ما حصل في ألمانيا واليابان'
قدروا يعيدوا بناء نفسهم من جديد بعد الحرب ويعبروا عن نفسهم ويثبتوا كفائتهم على ارض الواقع بجدارة.
أينعم لسه شروط النصر العسكري الأمريكي عليهم لسه سارية في بعض قوانين تسليحهم وجيوشهم' لكن قدروا ياخدوا موقعهم في وسط ال 7 دول الكبار في العالم.
بمعنى آخر
' إن الحروب كل فترة بتعمل إعادة توزيع من جديد لموازين قوى معينة وبيظهر بعدها قوى جديدة وامم مختلفة وحكومات جديدة هي اللي بتسيطر وتفرض كلمتها بقوة السلاح.
انا باقول الكلام ده ليه؟
عشان شايف افورة جامدة جدا من معظم المصريين في احتفالات نصر أكتوبر والاحتفاء ببطل الحرب والسلام انور السادات.
طيب" ايه الإنجازات اللي حصلت بعد الحرب دي؟
قضيت عالجيش الإسرائيلي؟
محيت إسرائيل من الوجود؟
خدت كل ارضك بالسلاح؟
استرديت سينا كاملة وللا بشروط؟
معاهدة السلام كامب ديفيد مع عدوك الوحيد' تفتكر دي حاجة كويسة وكافية كإنجاز؟
طيب' السلام حلو وهنتفرغ لبناء مصر'
مصر إتبنت فعلا وعليت كده وبقينا بلد متطورة ولينا وضعنا العالمي؟
مظنش.
مش معنى كده إني بأقلل من قيمة إنجاز النصر
لكن مش حابب سكة الافورة المصرية المعتادة.