دفعه ثانويه عامه 2015

[Physician future]

المشاركة الأصلية كتبت بواسطة linuxer9

آسف جدًا على الكلام اللي هقوله لكن أنتو كبرتو ولازم تعرفوا الكلام ده

أنا كل ما أتخيل لو أنا كنت بفكر زييكم في نفس الوقت ده ، كنت بتخيل إني هنتحر بعد نص السنة أو أهاجر وأسيب البلد أو ينتهي بي الأمر في مستشفى الأمراض العقلية عنبر المتفوقين!
إيه يا جماعة ؟ ليه الإحباط ده ؟ ده لسه السنة ما بدأتش أصلًا ؟ وقدامك وقت طويل ومنهج قليل !
اعمل أي حاجة أنت نفسك فيها طالما مش هتضر حد ، في الآخر الناس الحاسدين هتغلي من جوا وهتغلي لحدك لما تتفجر في نفسها وتعمل كدا: https://www.youtube.com/watch?v=qc9zpcfdbmo

أنا مقدر اللي انتم فيه ، أنتم محطوطين جوا وهم أنه الثانوية العامة تحديد مصير ولو نقصت ربع درجة ممكن مستقبلك يتدمر ، أو أبوك وأمك يحصلهم حاجة لا قدر الله وأن السنة دي نهاية المشوار
إنما كل ده وهم ... أنا اكتشفت أنه ثالثة ثانوي زي أي سنة غيرها بس الناس حواليا مكبرة الموضوع بس
اعمل اللي عليك وماتضيعش وقتك في حاجات حصلت امبارح أو حاجات هتحصل بكرة لأن كل ده وهم متبقاش خايف من ان الإمتحان لأنه لسه مجاش لسه ومجرد وهم
فكرة أنك تبقى قلقان وخايف من المستقبل إحنا اكتسبناها ... طيب أنت عمرك سمعت جنين في بطن أمه قلقان وبيقول أنا خايف لأن مطلعليش مناخير لحد دلوقتي...
كل اللي بتفكر فيه من احباط وهـــــم أنت حطيت مخك فيه لحد ما العقل الباطن سيطر على تفكيرك وجعل الوهم حاجة مُسلم بيها زي مثلا: الحسد أو الأشباح!
المهم : اعمل اللي عليك و سيب الموضوع على ربنا
وتحياتي

لا أبدًا ، أحسن حاجة الواحد يتخلص من همومه بالكلام عنها ولازم تعودي نفسك على كدا حتى مع نفسك
أنا ما كنتش بتكلم عن صاحبتك (الله يرحمها) لكن بقول كلام ممكن يحصل مع ناس ..
وممكن يكون الكبر في القلب مش بالتصرفات ، لاحظي مدى دقة الرسول عليه الصلاة والسلام : "لا يدخل الجنة من كان في قلبه مثقال ذرة من كبر" ، ولم يقل :" من كان متكبرًا"
وأنا برده هسألك سؤال تاني : ليه الأستاذ بيحسد الطلبة ؟


لو أنتي شايفه المدرس ده كويس وشرحه حلو من سنة تانية يبقى ليه تسيبيه ؟
الواحد لازم يتعلم من خبرات السنين اللي فاتت
إعتراف: أنا أخدت درس عربي عند مدرس إعدادي
وأحب أقول حاجة وتستحملوني فيها شوية : ما تتعاملوش مع الأساتذة كإنها أدوات .. أنتو فاهمين أنا عايز أقول ايه يعني كإنك رايح تخطب مثلًا فلازم تسأل عن العروسة

وبالتوفيق ويارب نشوفكم من الأوائل
تحياتي

المشاركة الأصلية كتبت بواسطة alshymaa hafez

انا قرأت كلامكم عن الحسد وكدا
الحسد مذكور فى القران بس زى ما ربنا ذكر الحسد عرفنا ان فيه وقايه منه
لما نصحى نصلى الفجر نقرأ اذكار الصباح وبعد العصر اذكار المساء وديما نقرأ المعوذتين ونهتم بقراه القران
حاسه ان انتى فى مجموعه فيها اصحابك وبدل ميشجعوكى لا بيحبطوكى او بيخلوكى خايفه ديما لاما من حسد او اى حاجة
بسيطة غيرى المجموعه خاالص واحضرى فمجموعه تانيه لان اهم حاجة الراحة النفسية
انا وانا فـ تالته اعدادى الحمد لله كنت طالعه الاولى على المدرسة الترم الاول جيت الترم التانى حسيت اني خايفه من الحسد وخايفه انزل عن مستوايا مسبتش دا يأثر عليا لجأت لربنا والحمد لله طلعت الاولى بردك الترم التانى
الـ حصل لصحبتك مش ضرورى يحصلك ومش ضرورى يكون من الحسد
انتى عندم اهوت اوائل الجمهوريه مشاء الله محدش منهم مات ؟! وأكيد هما كانوا شطار بردك ومتفوقين
حاولى متقلقيش نفسك وخليكى طبيعيه علشان متتعبيش نفسيا

المشاركة الأصلية كتبت بواسطة ahmad khalid

لا بالعكس انا حسيت ان الكلام اللى انتى كاتباه فى جزء منه بيحصلى فقولت اعرضه عليكم
انا كل اللى حاسس بيه ملل او ساعات سدة نفس بس مش احباط
يعنى انا مش فاقد الامل بس حاسس كأنى اه اقدر اجيب درجة حلوة ان شاء الله بس فين المجهود اللى بعمله عشان حلمى يتحقق؟ هو ده اللى بكلم فيه

المشاركة الأصلية كتبت بواسطة eman_m

السلام عليكم
مساء الخير على الناس الحلوة اللى فى الصفحة
انتم زعلتونى بكلامكم انتم ليه كده مصابين بحالة من الياس والاحباط و بتتكلموا عن الحسد
قل لن يصيبنا الا ما كتب الله لنا ياريت مش تحطوا فى بالكم اى حاجة من الحاجات دى ولا تحطوا فى اعتباركم كلام الناس وصحابكم خلى اللى يقول يقول سيبك منهم محدش بينفع حد انا اذاكر واعمل اللى عليا واحقق حلمى ومش اسيب لحد اى فرصة ان مستقبلى يضيع او اتنازل عن حلمى لحظة انا عندى حلم كبير وان شاء الله احققه بس بالمذاكرة وكل ما تحسوا انكم مخنوقين صلوا ركعتين لله واقرؤا صفحتين قراءن وبالنسبة للزهق اللى يزهق يعد مع اهله شوية او يتفرج على التليفزيون حاجة بسيطة بلاش مسلسل علشان مش تبقى مضطر انك تتابعوا او اقعدوا على المنتدى هنا شوية وبعد كده ارجعوا تانى لمعسكركم ومذاكرتكم وقولوا انا ربنا معايا وان شاء الله احقق حلمى

شككرا لردودكم انا الحمد لله بقيت احسن ونفسيتى اتحسنت
وان شاء هرجع ذى الاول وههريكم اسئله
اصبرو عليا بس محدش يقول كفايا