اسئله هامه لابله امال واخرين

[عادي جدا جدا]

يا جماعه شوفتو التخبط بتاع الوزاره اول ما ارسلوا لنا جوابات الكادر وطبعنا طلع ان الكلام اللي هما كتبوه غلط وطلع ان تاريخ التعيين هو الصح و تاريخ الحصول غلط هههههههههههههه

وبعدين بعتت الوزاره ورق مطبوع كده شكله جميل عن الكادر يوزع علي المدرسين للتعريف بالكادر ومستوياته
وكان مع الورق ده ملصق كبير طلبوا من الناظر تعليقه في مكان واضح - المهم - كل ده طلع غلط برضه لانهم كانوا رابطين المسمي بسنين الخبره وبعدين طلع علينا عفروتو من بتوع الوزاره اللي اسمهم مستشارين - لعنه الله عليهم - بحكايه جديده وهي ان المسمي حسب اخبره غلط المفروض يبقي حسب الدرجه وقالوا صح وشالوا الكلام القديم وحطوا الكلام الجديد وطبعا الاستمارات باظت لان المسميات اتغيرت ولكن الوزاره اتكسفت تطلب من المدرسي تطبعها تاني بل تالت هههههههههههههههههه
وده ليه لان المسميات اتغيرت تاني لانها اتغيرت اولاني بحكايه تاريخ التعيين وعموما
انا اتحدي الوزاره انها تقدر تجيب واحد مدرس خبره 13 سنه ويكون علي الدرجه الاولي واتحدي بذلك
ويستحيل ايضا ان يكون هناك مدرس خبره 18 سنه وعلي درجه مدير عام ده اسمه كلام فارغ واتحدي ايضا ان كان يوجد مثل هذا ابدا لانها بحسبه بسيطه وبقانون الجنزوري بتاع الرسوب الوظيفي - طبعا عارفينه - القانون بيقول ان الموظف علي الثالثه يرقي بعد مرور 8 سنوات والموظف علي التانيه يرقي بعد مرور 6 سنوات يبقي مجموعهم كاااام؟
طبعا 14 وخدلك كام شهر علي ما يجي ميعاد صدور قرار الترقيه يعني هنخش في 15 سنه او 14.5 يبقي بالعقل كده 13 سنه ازززاااااااااااااااااي؟
حاجه تجنن
ثم كنت عايز من الابله امال انها تسأل الوزير واعوانه خاصه اعوانه دول هما علي الدرجه الكام وهياخدوا كام بالميه

ثم المقلب الاكبر والاسمن والاغلظ والاحقر ............................. الخ
ان الكادر مش 150% للكل لااااااااااااااااااااااااااااا ده للحبايب بس وكلاء الوزاره والمستشارين وشوووووووووووبش
والمدرس الحزين علي عمره اللي علي التالته او التانيه وشغال ابتدائي وشايل 24 حصه نصابه القانوني زي ما بيقولوا هياخد بعد ما ينجح في المرحله التانيه 50% و 75% للتانيه يعني ملاليم لان مرتباتهم قليله جدا يعني انا علي الدرجه التانيه بقالي سنتين و الاساسي بتاعي 240 جنيه وطبعا الحبايب والمقربين اصحاب النسب والتناسب طبعا ازاي المدرس الحقير اللي بيتعك من الطباشير ياخد نفس النسبه زينا ( احنا الكبار وهما لهم الاحتقار)
عموما يا استاذه امال ياللي بتقولي لواحد ردا علي سؤاله النوايا تسند الزير عيب والله الكلمه دي تتقال لمدرس لاننا مش بنشحت منهم يا اخت امال احنا بنطالب ببعض حقوقنا
والا انتهي فاهمه غير كده
ومعذره علي الاطاله اصل انا مفرووووووس قوي من هؤلاء الانطاع واعوانهم
لعنه الله عليهم الي يوم الدين