محذوفات

[smsmzeros]

للناس اللى عايزه تعرف الفرق بين مشروع تطوير قناه السويس بتاع الدكتور مرسى وبتاع الفريق السيسى
عشان نفهم كويس تعالوا نبسط الموضوع
قناة السويس عامله زى الطريق الصحراوي القاهره اسكندريه
اول ما تخش على البوابه حضرتك بتقطع كارته ب 4 جنيه وتمشى فى الطريق وانت خارج تورى الكارته للحارس فيعديك
حلو كده

مشروع السيسى
الطريق بدل ما هو حاره هانعملو حارتين وبذلك تزيد الطاقه الاستيعابيه للطريق وتزيد عدد العربيات اللى بتمشى عليه ونصلح الطريق شويه ونقويه فيمشى عليه عربيات اضخم
وبذلك يزيد ريع الطريق ويبقى بيساوى عدد السيارات الزياده مضروب فى 4 جنيه

مشروع الدكتور مرسى
احنا هانعمل على يمين وشمال الطريق مطاعم وبنزينات وأماكن تسوق وسنيمات وورش تصلح السيارات ومخازن عالميه وشويه مصانع تعمل حاجات تأخذها وتستخدمها وانت ماشى على الطريق وبذلك حضرتك تدفعلك بتاع 500 جنيه اكل وشرب وتصليح سياره وشوبنج

بالتالى دخل مصر بدل ما هو 4 جنيه يبقى 504 جنيه

عرفتوا ايه الفرق

طيب سؤال يطرح نفسه ليه السيسى ميعملش النموذج بتاع مرسى?
أقولك ليه
نموذج مرسى سيدمر منطقه جبل على فى دبى.... ازاى الكلام ده
أقولك
منطقه جبل على تقوم الان بنفس الوظائف التى ستقوم بها قناه السويس على نموذج مرسى

طيب وايه يعنى ماهى تبقى منافسه شريفه والاحسن السفينة ترحلو...

أقولك حلو بس فيه معلومه لازم تعرفها
قناه السويس على الطريق الالزامى للتجاره
اما جبل على فيحتاج يومين زياده فى عمر الرحله وهما دخول وخروج السفينة الى الخليج العربى
يعنى جبل على مش على الطريق الالزامى وبذلك تدفع السفينة يومين زياده فى عمر الرحله

وطبعا اليوم فى السفينة بالشئ الفلانى
يعنى بمعنى أصح هايتخرب بيت جبل على
ويروح الريع بتاعها لمصر

عرفت ليه نموذج السيسى يخدم دول اخرى ولا يخدم مصر كنموذج مرسى

متشكرين للقراءة وآسف على التطويل

منقـــــــــــــــــــول للافاده