القدرات و الامكانيات ((نسبية ادراك العقل البشرى 2))

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

‫#‏نسبية_ادراك_العقل_البشرى‬
‫#‏الموضوع_الجامع‬
‫#‏الجزء_الثانى
‬
‫#‏الجزئية_الثالثة‬: الفرق بين القدرات و الامكانيات يمكن من اكتر الحاجات الى الناس بتتلخبط بينها يعنى ايه قدراتى و امكانياتى و تلاقى واحد لما يحس بالفشل فى حياته يقولك ... انا + فاشل ... انا + مقدرش و ساعة ما بتقول كلمة ((انا)) بتدخل على القدرات و دا غلط طيب ايه الفرق بين القدرات و الامكانيات برده ؟!
1-‫‏ #القدرات‬ : دى الى ربنا خلقك بيها كانسان يعنى الى هى موجوة فيك عشان انت انسان و دى حاجة فطرية
2-‫#‏الامكانيات‬ : دى الحاجات الى انت بتكتسبها او بتكون متاحة قدامك ...
- من اكتر المشاكل الى بتقابلنا فى حياتنا اننا مش عارفين الفرق بين ال2 دول تلاقى واحد يقولك انا فاشل انا عاجز .. انا + صفات سلبية كتير كدا مع ان دا غلط ؟!
- ‫#‏انت_احسن_مخلوق‬ خلقه ربنا فى الوجود تعالى نشوف الدليل على الكلام دا ((لقد خلقنا الانسان فى احسن تقويم)) :-
1-المخ : 150 مليار خلية عقلية
2-العين: بتفتح و تقفل 18 الف مرة فى اليوم
3-الالوان : بتميز 10 مليون لون بمجرد نظرة واحدة للألوان الى قدامك
4-القلب : بيدق حوالى 100 الف مرة فى اليوم من غير انت ما تعمل حاجة
5-الطاقة : فى حاجة اسمها الطاقة الايجابية و السلبية و دى عبارة عن طاقة محسوسة فعلا و هى طاقة كهرومغناطيسية فى الجسم تعرف ان جسمك لما بيلمس اى حاجة بيكهربها ليه ؟! لأن انت اصلا جسمك الكترونات شحنات مكهربة تعرف لو كل الطاقة دى للانسان وصلنا بيها بلد كاااااااملة توصل فيها كهرباء لمدة اسبوع ؟! غريبة صح ؟!
6-العضلات: لو جمعنا كل عضلات جسمك و شدناها فى ناحية واحدة تقدر العضلات دى تشد من 20 ل 25 طن
7-سرعة تفكير المخ : حوالى 3 اضعاف سرعة الضوء تخيل انت بمجرد ما بذكر قدامك مثلا اسم أحمد هتعرف اسم أحمد بالكامل صفاته شكله عاداته كل حاجة عنه بمجرد ذكر اسمه بس انت متخيل السرعة دى ؟!
- من المعلومات الى عايزك تعرفها برده تعرف ان ‫#‏العين‬ بتشوف بعدين بس ؟! اه الصورة الى بتتكون فى عينك صورة ثنائية الابعاد طيب ليه انت بتشوف الحاجة الى حواليك ثلاثية الابعاد ؟! لأن عقلك فى نوع من الخلايا بتدرك البعد و القرب الى هو البعد الثالث عشان كدا بتدرك الحاجات الى حواليك ثلاثية الابعاد انت متخيل قدرات المخ ؟!
- عشان تعرف اكتر ‫#‏قدرات_مخك‬ و عظمة الله فى خلق مخ الانسان ؟! المفروض ان الرؤية بتكون على حسب مقدار الاشعة المنعكسة من على الجسم فمثلا المفروض انا لو سلطت ضوء احمر على اى حااااااجة بينعكس ضوء بيساوى الطول الموجى للضوء الاحمر و اشوف الحاجة دى لونها احمر اكيد صح ؟! هات لمبة حمراء مثلا او زرقاء فى اى غرفة و شغلها هتشوف كله احمر او ازرق و رغم دا لو فى حوليك حاجات بيضاء و حاجات خضراء و كدا هتشوف تفاوت فى الوان الحاجات دى رغم ان الضوء المنعكس من على كل حاجة بنفس المقدار يعنى لو على العين بس هتشوف كله لون واحد انما ازاى انت قدرت تميز ؟! المخ برده ؟! قدرات هايلة رغم انك برده لما تبعد بتشوف الحاجة صغيرة برده عقلك ادرك ان الحاجة دى حجمها ثابت رغم القرب و البعد ؟!
- ‫#‏اشياء_غير_موجودة‬ : العقل ساعات بيدرك حاجات مش موجودة و انت بتصدقها لأن العقل ادرك دا فمثلا السراب ؟! مش موجود بس لما عقلك ادرك و اقتنع ان دا حقيقة ادركت انت و صدقت ان الحاجة دى حقيقة ؟!السماء لونها مش ازرق و مع ذلك انت شايفها زرقاء ؟! فكر كدا
- ‫#‏هو_دا_انت‬ (( افضل مخلوق خلقه ربنا خليفة الله فى الارض عندك قدرات غير محدودة لا توصف قمة الابداع فى الخلق سبحان الله ؟! )) و بعد دل كله تلاقى واحد بيقولك انا + مقدرش او انا + فاشل ازاى انت عندك كل #القدرات دى و تقول فاشل يبقى لازم نفرق بين ؟!
- قدراتى اللامحدودة دى الى ربنا خلقنى بيها و بين ((امكانياتى الى انا بكتسبها)) احنا مش هننكر ان كل واحد ربنا خلقه مميز بحاجة بس الميزة الفطرية دى اسمها ((موهبة)) لما انت بتنميها او بتكتسب ((امكانيات)) بتتحول الموهبة دى ((‫#‏لمهارة‬)) يبقى انت متنامش مكانك و تنتظر معجزة انت عندك ((قدرات)) بس لازم تشتغل و تنميها لحد ما تبقى ((مهارات))
- ‫#‏الحجة‬ الى الناس بتاخدها يقولك (( دا اذكى منى ؟! او دا ذاكرته احسن منى ؟!)) انا معاك ان ممكن يكون ((قدرته فى الحتة دى احسن)) بس لو سألتك و قولتلك ايه هو الذكاء ؟! تعرف ان الذكاء دا هو قدرتك على حل المشكلات و الذاكرة هى قدرتك على الاحتفاظ بالمعلومة و دا موجود فى كل شخص بس فى شخص بينمى ذكائه و بينمى ذاكرته و واحد تانى بيقعد مكانه و يشتكى ؟!
- فى ‫#‏جانين_للمخ‬ الجانب الايمن و دا جانب التصور فمثلا الرسام دا ذكى جدا و بيستعمل نصف المخ الايمن و مثلا الى بيحل مسائل و يضرب و يقسم دا ذكى و بيستخدم نصف المخ الأيسر اذن الذكاء مش محدود فى منطقة معينة ؟! افتكر كدا فى نظام التعليم بتاعنا ؟! فيزياء او رياضة انت بتحفظ طريقة حل و بتحل ؟! هذا لا يدل على الذكاء الذكاء هو تعاملك مع المشكلات و المواقف الى بتمر بيها ؟! بس اهم حاجة تعرف ايه الى انت مميز فيه و تبدأ تنمى فى الجوانب دى (( الذكاء و الذاكرة مش مقصورة على ناس معينة دى حاجة عادى بتتنمى زى اى حاجة تانية))
- ‫#‏الملخص‬ : متقولش كلمة انا + اى كلمة سلبية لأن اى حاجة بتقولها لنفسك و تكررها اكتر من مرة هتصدق نفسك و بعدين هتربطها بأحاسيسك و هتبقى اعتقاد ذاتى و لو كررتها اكتر هتلاقيك بتتصرف من غير ما تفكر لأن اكتر من 90% من سلوكياتنا بنعملها من غير ما نفكر ... هتصدق نفسك حتى لو الحاجة دى مش موجودة زى ظاهرة السراب بالظبط ؟!
‫#‏خل_بالك‬ : حاجة مش موجودة و عقلها ادركها اصبحت بالنسبالك موجودة زى السراب و حاجة موجودة فيك و عقلك مادركهاش ولا كأنها موجودة ؟! يعنى انت جواك ‫#‏قدرات‬ كتير بس اقتنع و اصبر و اشتغل و انت بتحط لنفسك عوائق كتير مش موجودة بس انت الى بتقنع عقلك بيها ؟! طيب ازاى اتخلص من دا و ايه الطرق الى هعمل بيها كدا دا ان شاء الله فى ‫#‏الجزء_الثالث‬ و السلام عليكم و رحمة الله و بركاته