أطلانطيس هل هى حقيقة أم مجرد خيال؟؟!!!

[أسيل رزق]

السلام عليكم ورحمة الله وبركاته
الموضوع نزلته فى الركن العام لو المشرفين عايزين ينقلوه قسم تانى مفيش مشكلة
إن شاء الله هنتكلم عن قارة أطلانطس المفقودة
طبعاً كلنا سمعنا عنها وكتير مننا عارفين أطلانطس
مافكرتش فى الموضوع أوى إلا لما إتفرجت على فيلم كارتون اسمه

ATLANTIS THE LOST EMPIRE

الفيلم ده ملخصة إن فى شخص توصل لأطلانطس عن طريق كتاب أفلاطون عن القارة المفقودة والفيلم بينفذ فعلاً كل كلمة قالها أفلاطون فى كتابه
ودى صورة

رسم مبني على وصف أفلاطون لأطلانطيس
ياترى فعلا أطلانطيس حقيقة ولا مجرد خيالات ؟؟!!!
وهل مازالت موجودة ولا لأ ؟؟!!!
وهل فعلاً أهل أطلانطيس كانوا متقدمين عننا دلوقتى ؟؟!!!
هل كان ليهم طاقة بيعيشوا عليها أقوى من الطاقات اللى بنعتمد عليها دلوقتى؟؟!!!
وهل طاقتهم هى سبب دمار قارتهم ولا مجرد ظاهرة طبيعية عادية أخفت القارة؟؟!!!
أسئلة كتير جداً دارت فى عقلى وأكيد بتدور فى عقولنا كلنا
إن شاء الله الموضوع هيكون مُستمر بأقوال علماء مختلفين وأخر الأبحاث اللى وصلوا ليها أصحاب العلم والاكتشافات
بس يا رب الموضوع يعجبكم وعايزاكم تشاركونى الرأى هل من وجهة نظركم أطلانطس حقيقة موجودة ولا حقيقة إختفت ولا مجرد خيالات؟؟!!!