خليك صابر ياعم صابر

[جمعة العربى]

بصراحة اْنا سعيد ومن كتر السعادة قربت انفجر
عشان كده هقول كلمتين..احنا شكلنا شوية بقر
لا فيه بدل اعتماد ولا خالتى اعتماد..وكل شى ء فاض وزاد...
وادى اللى بعدنا من سنين ..اتساوى بينا يابنى ادمين...
ولافيه سكر ولاتموين...وكل مانساْل يقولوا منين؟..
عايز اْعيش ومش عارف اْعيش...تقولش ساكن فى المهندسين...
ولا هوه صاحبى الباشا عابدين...
شوف حالنا من واحنا صغيرين
نشوف حاجات ومحتاجات..ونتفرج ...ونسمع عن الملايين
بنبوس ايدينا وش وضهر....والصوم عندنا اْلف شهر...
بس اْنا بحكى يعنى لمين..هوه فيه حد من السامعين....
ايه يعنى نحكى اْنا وانت لبعض...واحنا الاخر زى بعض..الاتنين مظلومين...
بس عيب الشكوى حرام...حط فى نفسك واندب حظك..
ليه اْناوانت مطلعانش خليجيين..اْو حتى كنامن اْصحاب الملايين
افضل قول وافضل عيد..مكتوب علينا
نعيش غلابة ..ونموت مساكين

الشاعر|جمعة العربى