أطفالنا والسرطان والضمير الغائب

[نهي نوير خميس]

لما بشوف إعلان مستشفي سرطان الأطفال وأشوف أطفال وشهم أصفر وشعرهم واقع من الإشعاع والكيماوي ونايمين علي السراير والخراطيم متوصلة في جسمهم في حين إن سنهم ده مفروض يكونوا بيلعبوا ويفرحوا زي غيرهم
بقول حسبي الله ونعم الوكيل في اللي دخل بلدنا كل شئ يضر بيهم وبينا من مواد حافظة وقمح مسرطن ومكسبات طعم ورائحة وألوان صناعية و ..........
أيام ماكنت طفلة كانت الحاجات الحلوة طبيعية مفيهاش البلاوي الزرقا دي وكنا لما نسمع عن أطفال عيانيين كان أخرنا الحصبة والجدري وأمراض عادية سهل الشفا منها وبتصيب كل طفل لكن دلوقتي بنسمع أطفال عندهم السكر والسرطان وغيرها من الأمراض اللي عمرنا مانصدق إنها تيجي لأطفال
حسبي الله ونعم الوكيل في كل من سبب وحيسبب أذي لطفل أو غير طفل
الضماير الميتة اللي عايزة تكسب ومش مهم صحة الناس
اللهم أنت حسبنا ونعم الوكيل فيهم