هام جدا جدا بخصوص الرقم السري الخاص بالتنسيق و تسجيل الرغبات

مصري أبن مصري · #1 20-07-2008, 12:46 PM

السلام عليكم ورحمه الله و بركاته
ازيكم جميعا
بخصوص الرقم السري بتاع التنسيق و تسجيل الرغبات
اللي انا كنت عمال ادور عليه من ساعة ما النتيجة ظهرت
في الاول افتكرته اللي موجود في ورقة فودافون و مكتوب انك تقطعه عشان تأخد بيه كارت الهدية اللي هو الرقم المسلسل و مكون من 6 ارقام
بس مطلعش هو
========================
اتصلت بالخط الساخن اللي عاملينوا عشان التنسيق
و عرفت منهم الرقم السري فين بعد عناء
فيه ورقة كانت مع الدوسيه و الورق اللي جبتوه من المدرسة موجود فيها مستطيلين سود من الناحيتين و مكتوب فيها اسمك و رقم جلوسك و المحافظة بتاعتك و الإدارة و مكتوب فيها رقم الصفحة
المهم ان الرقم السري موجود بين الورقتين دول
تقطع الورقة من المكان اللي موجود فيه المستطيلين السود " و هتلاقي الرقم السري تحته مكتوب " بالأرقام و الحروف "
و هتلاقي الرقم السري 8 ارقام
و حاسب و انت بتقطع الورقتين من بعض للرقم يطير معاك
و لو حصل و ان الرقم طار تتصل بالخط الساخن او تبعت من الموقع التنسيق عشان يبعتولك رقم سري تاني

و ممكن تسجل رغباتك من دلوقتي مش لازم تستني اليوم بتاع الشريحة بتاعتك
بس لازم طبعا تكون في المرحلة بتاعتك

و الحمد لله انا لسه مسجل رغباتي من شوية