بفكر ومش وقته التفكير

[Nana_kh]

السلام عليكم ورحمة الله وبركاته

بواجه مشكلة حاليا اى نعم احنا مكناش بنذاكرر من اول السنة ودلوقت بنفوق وببنحاول وهكذا
ولكن فجاة
يظهر موضوع جامعة زويل للعلوم والتكنولوجيا
والتقديم بتاعه من 1 مايو ل28 يوليو يعنى قبل ما تخلص امتحاناتى
وطبعا فى اجراءات للتقديم

ومش عارفة افكر فى الجامعة واقدم ولا لا
ولا افكر فى دراستى ياعم وادرس فى محافظتى فى اىكلية واخلص
بالعلم ان اخواتى فى كلية قمة ماشاء الله ومش مبسوطين خالص

وانا شايفة انها فرصة ليا
بس المشكلة ان فى مشكلات بتمنعنى من الكلية دى وبفكر علطول فيها وعايزة اخد قرار عشان اركز فى الشهر اللى باقيلنا

المشكلات
هيا مصاريفها 30 الف جنيه فى الترم
يعنى بعد ما ماما وبابا يصرفوا علينا دم قلبهم اخليهم يدفعوا مبلغ زى ده
وكمان
موضوع السكن والغربة
لان مفيش مدينة جامعية
وخايفة من اختبارات القبول وانى مقدرش اقدم رغبات فى التنسيق وفى الاخر ميقبلنويش فى الاختبارات
وكمان
خايفة يكون عندهم مشاكل مع النقاب

ومش عارفة اركز فى ايه ولا ايه
وطبعا التقديم محتاج صور وورق واعمل نسخة ضوئية وهيحتاج تفكير
اعمل ايييييييييييييييييييييييييييييييه؟؟؟؟؟؟