ضع حلمك او رؤيتك وباذن الله ستجد تأويله هنا

[aleman]

المشاركة الأصلية كتبت بواسطة asaeeed

حلمت انى كنت ماشى فى شارع المدارس كنت مروح ع البيت ولقيت مدرسة خارج منها الطلبة كلهم مرة واحدة وزاحموا الطريق وكان معايا واحد صاحبى فجرينا وقولتله انا لازم الحق اروح قبل ما الشارع يتزاحم وبعدين مشيت بسرعة وكنت ماشى جنب الرصبف ولقيت الطريق زحمة والعربيات ماشية فى كل حتة فى الطريق وجنب الرصيف كمان لازقة فيه فطلعت ع الرصيف لقيت العربيات ماشية ع الرصيف كمان فقعدت احاول اتجنب العربيات وبعدين فجأة لقيت نفسى ماشى مع اختى على رصيف فى شارع فى طلخا وكان البر التانى رصيف بردو زيه بس ممشيناش عليه وفجأة لقيت الرصيف كله عليه زرع كدة وحاجات غريبة بتعوق السير فقعدنا نحاول نتجنبها ومكانشى ينفع ننزل على الطريق عشان العربيات مالية الطريق ولما كنا ماشيين على الرصيف انا واختى لقينا ثعابين وواحد منهم عض اختى فى رجلها فمسكته ورميته بعيد وبعدين روحت لاختى التانية وقولتلها ان ثعبان عض اختى فاتضايقت وبعدين فجأة لقيت نفسى ماشى على نفس الرصيف بس مع بابا وماما وكان لسة الرصيف زى ما هو واثناء ما كنا ماشيين لقينا ثعابين تانية والزرع والحاجات الغربيبة اللى كانت ثابته ع الرصيف وبعدين فجأة لقيت بابا بس اللى ماشى معايا ووصلنا لأخر الرصيف ونزلنا ع الطريق بس كان فاضى والطريق كان متغطى بالرمل وبعدين فجأة لقيت نفسى تانى ماشى عللا الرصيف بس مع ماما وبابا وواحنا ماشيين لقيت ذرة فى الزرع اللى فى الرصيف وبعدين لقينا ثعابين تانى وفجأة لقيت ثعبان كان طلع على ماما وكان هيعضها فمسكته عشان ابعده لقيته اتلف حول جسمى فقعدت احاول اعمل صوت واصرخ عشان حد ييجى يشيله بس كان صوتى مش طالع ومحدش سمعنى وبعدين صحيت من النوم على طول

تفسيرى المتواضع والله اعلم:
الطريق ده حياتك وسط اسرتك واصدقائك
الثعبان فى الحلم عدو
وانتا رايت كذا عدو بس ربنا جعلك مصدر حمى لاهلك من الاعداء دول
والله اعلم