مجرد خواطر حول موضوع الجودة

[محمدالسيدالمكاوى]

جودة يا جودة

قالوا جودة قلنا جودة يلا جودة

طب وماله جودة جودة
بس جودة إزاى يا ناس

نوصل لها ومن غير فلوس
رؤية ورسالة ومنهج ويّا متعلم
ينهج بس كله لازم فلوس
و المدرس لما تطلب منه جودة
أهم حاجة هتجيب فلوس؟
لو قلت عاوزينها جودة بس

صح قوم يقولك طب والفلوس ؟
أيوه فلوس ولو جيت للحقيقة
يا عم مجدى هو برده عذره معاه
يعنى لما آخر الشهر ييجى

هيبقي يأخذ جودة للجزار معاه ؟
ولو يشترى سكر وزيت تجيب
له منهم قد إيه جاوب سكت ليه
ومش دا رأيي يا عمنا بس أوعى

تنكر أو تفكر إنى ببالغ أو بهذر
إن دا حالنا جميعا أو بعضنا أوحتى

جزء مننا كلنا لأجل الفلوس يشتغل
من كم سنة معانا واحد دايما

يهبط وبآراءه وبدماغه لازم يخبط
ولما مرة خدنا جايزة قمت
لقيته جى يأخذ زى زيه بل وقبلي
هى مش دى يا خويا اللى أنت دايما
كنت تتريق عليها جودة يا جودة!!
قالوا المعلم لازم يعلم قلنا ماشي

قالوا لا ولازم معاه كمان يفهِم
طب والورق دا أهم حاجة هى
الورق كله يدور على الورق
لقيت يا عمى كله يفكرفى الورق
وما يدور إلا عليه طب وغيره
فيقولولك ما أنت لو تفتكر
بدأت حياتك وهتنتهى برده بورق
ما يهم منهج ولاطالب لما يوم

يخرج يبقي لبلده ولنفسه مكسب
أهم حاجة عندنا أهم حاجة عندنا

هى العيادة وآه لوتبقي فى زيادة
واللى تقوله فين يامحترم ملفك
ولا معيارك فين ممارساتك يقولك
مفيش فلوس طب وأنا بس أجهز
ملفى من جيب أبويه وفى الأخر مفيش
أه مفيش . ما قلتلك ياعم مجدى
أنه فى الآخر صراحة عذره معاه
ليه تقوله اعمل ملفك وهو جاى
أصلا يقضي ساعة راحة من العيادة
دا الحكمة قالت من زمان لو
أردت أن تطاع لازم تقول ما يستطاع
لو كان يلاقى فى يوم مرتب يستره

من ده وده والله عمره ما كان يقصر
بس بصراحة ومن غير زعل أيوه
هتلاقى مننا اللى برده كمان يقصر
أصل الحكاية يا جماعةلازم يكون
فيها قناعة أيوه قناعة هى فوضي
الجودة دى يا ناس ثقافة أيوه ثقافة

دا حتى موجودة وحث كمان عليها ديننا

نسيت نبيك لما قال إن ربك يحب إنك
لازم لعملك تتقنه وتجوده فترضي ربك
هو ينفع إن طالب يوم ما يتخرج

يا ناس يا عالم ما يعرف إنه يكتب
وده كان ايه اللى خرجه مين علمه
أوفهمه مين خلاه ما يعرف إنه يكتب
قالوا بالقانون لازم يعدى معقولة دى
أى قانون دا يا ناس يا حزنى
ولا الأكادة عاوز كمان طلبة
يا عمى يكونوا فى الحاسب أساتذة
هو أصلا فى حواسب جوه المدارس
أو حتى يعرف له كل الأساتذة
وفى ناحية تانية المراجع لما يوصل كأنه
واحد من القمر من برج عاجى هو ناسي

اه صحيح عذره معاه ماهو جاي ممارساته

ومعاييره معاه طب نعمل إيه بس معاه

وازاى يكون بالمدارس جودة بس

من غير مافيها الكل يكون مشارك
نواتج تعلم على ما أعرف إيه

طب وفى الآخر ولادنا استفادوا إيه
من غير زعل كله يحفظ كله يصم

أيوه هى دى الحقيقة واسأل وشوف

يوم الامتحان شكل السؤال لازم له صم
كل ده وعاوز لى طالب ينفع تطبق

عليه معاييرك أو شروطك يا أخى إنسي

ولوحكينا على الموارد آه من الموارد
هى فين بس الموارد ماهى مش بس بشر
قبل ما يوم نفكر أو على تدريب ندور
لازم نهيأ لازم نخطط مش فى الورق بس نفكر

كله يضحك على كله أهم حاجة هى الورق

والمشاركةعينى على المشاركة تمثيلية
تمثيلية مسرحية حاجة كده أو زى كده
ريقنا نشف فى المشاركة إن يوم نلاقى

أى مشاركة يا عم روح سيبنا فى حالنا
إحنا لاقين نأكل عيالنا لما تاخدوا منا فلوس
نقول يا عالم ياناس يا هوه المشاركة مش فلوس

تلاقى واحد صوته عالى يقوم يقولك اعملوا
أنتم طبقوا و نفذوا بس ما تقولواهاتوا فلوس
آه يا بلدى يا اللى فيك كم مليون زويل
بس فرصة بس يلاقوها هى فرصة بس فين
سلام بقي وما أعطلكش وأوعى
تنسي سلم لى عليها جودة يا جودة!