أنا المنتحر !!!

[أبو العلاء]

أنا المنتحِر

لأني بإيدك ضربت الرصاص

لأني عليك كنت حاطط أملْ

وكنت ف سمانا بشوفك حَمَلْ

وقُدام عِدانا بشوفك بطل

أنا المنتحر

مدحتك وقلت انت اخويا وابني

ومش ممكن انك ف يوم راح تسبني

ولاانك توجه رصاصك يصبني

أنا المنتحر

فرحت ان ايدك هتحفظلي حقي

هتفنا بإسمك ف يوم التنحي

وكانت رسايلك تداويلي جرحي

أنا المنتحر

حلفت انّ مش ممكن انك تخون الأمانة

ولاانك ف يوم راح هتهدر دمانا

وعشنا نغني ... نزيّنْ عمانا

أنا المنتحر

وعذري بإني قصدت الصلاح

وإني ائتمنتك تداوي الجراح

فخنت الأمانة بقوة سلاح

أنا المنتحر

لأني بإيدك ضربت الرصاص

ولكن هتعرف ف يوم الخلاص

بأني بإيدي هجيب القصاص

ساعتها هقولك

أنا المنتصِر