ملتقى طلاب الصف الثالث الثانوى (علمى علوم) 2014

[NeVeR CoMe BacK]

المشاركة الأصلية كتبت بواسطة raneem magdi

بجد يا عني في امل ادخل طب او صيدله لو بدات من دلوقتي

ايوة فيه امل
اضغطي نفسك واثبتي لنفسك ان فيه امل

المشاركة الأصلية كتبت بواسطة Mo0on Light

" طول اليوم بتعيطي " " انا ضيعت مستقبلي بإيددي " " خلاص مفيش فايده"
يانهار ابيض كل دا ؟ الكام كلمه دول كفيله انها تحبط اي حد وتوصلك لتجاره فعلا
شفتي كام كلمه بتقولليهم عقلك بيصدقهم وتقعدي اليوم كله متعمليش اي حاجه
طيب يبقى اول حاجه متقوليش الكلام دا واطردي من دماغك فكرة ان الوقت خلص
في مدرس كان ديما بيقولنا اللي مفتحش المواد كلها ولا يعرف عنها حاجه وبدأ يفتحها ف شهر 2 هيجيب فوق ال 98..وبالفعل في ناس كتير جدا سمعو كلامه وبدأو يفتحو الكتب ويتابعو مع المدرسين ويحلو وما شاء الله جابو 97 و 98 الناس دي لو كانت استمرت ع حالها كانت هتجيب 60
بس هما عرفو ان ربنا لسه مديهم فرصه تانيه ولسه في وقت حرام يضيعوه زي اللي قبله
وال 7 مواد دول صدقيني مش صعبين خالص اخر السنه ع قبل الامتحان هتحسي انك لاماهم وعارفه كل حاجه فيهم هو موضوع جهد شوية موضوع انك متقفيش على ماده اي حاجه صعبه بتيجي بالمذاكره والتكرار اللي مستوعبتيهوش المرادي هتستوعبيه المره الجايه لكن منقفلش الكتب ونقول دي صعبه والماده دي اصعب ودي اصعب وننتحر بقى

بصي دلوقتي حطي ف بالك انك هتتعبي الكام شهر دول
ابدأي افتحي الكتب وتابعي مع المدرسين بتوعك
تقريبا معظم المواد خلصتوها او قربتو
ابدأي معاهم ف المراجعات كدا وذاكري اي حاجه يقولو عليها وحلي اللي يقولو عليه
اول مره هتكون صعبه وهتحسي ان في حاجات كتير واقعه منك
بس تاني مره تراجعي الماده هتلاقيها سهله وهتحلي
اه حلى كتيييييييييييييييير اوي واللي متعرفيهوش متسيبهوش خلي حد يشرحلك الاجابه ودونيها

وكل ما تحبطي بقى ومفيش وقت و7 مواد وكدا افتكري انك كدا هتدخلي تجاره
وقومي بسرعه اغسلي وشك وافتحي الكتاب
وربنا يوفقك ان شاء الله وتبقى تمام

ايوة كده خشي ساعدينى

المشاركة الأصلية كتبت بواسطة سوبر ساره

ممكن حضرتك تردي عليا
معلش هتقل عليكي

معلش يا حبيبتى مشفتش الرد بتاعك
بصي الكيميا بتطير بسهولة اوى فلازم تراجعى عاللى فات باستمرار قبل ا تبقي الجديد راجعي عاللي فات بس مش من الاول طبعا يعنى الدرس اللى قبل كده وهاتى دايما الفصل من اوله عشان تربطي الجديد بالقديم وتحلي عليه طبعا مش محتاجة كلام ولازم تحلي امتحانات السنين كلها
افضل المراجعة بالكتابة اصلك اخر السنة مش هتجاوبي شفوي
نا كنت بزاكر دايما بالورقة والقلم عشان المعلومة تثبت
الكتب الكتير هتخلصيها ان شاء الله ع اخر السنة وان ملحقتيش تخلصيها كلها مش مهم المهم انك تحلي امتحانات كتير كده كده اصلا اخر السنة هتحسي ان المعلومات لها بتتكرر فمتشيليش هم
ربنا يوفقك