منكم لله والله لايسامحكم ياللي عملتوا المنهج الجديد والمواصفات الصعبة

[xkeysman]

منكم لله والله لايسامحكم
ياللي عملتوا المنهج الجديد والمواصفات الصعبة
النهاردة كان امتحان الانجليزي بشمال سيناء
مش كفاية الظروف اللي احنا فيها
والترم اللي كان ناقص شهر
ولا مراعاة للبيئة ولا لظروف المجتمع
انا متاكد العيال اللي بديهم اغلبهم سقطوا النهاردة
وكل تعبي رااااااااااااااااااااااااااح عالفاضي
مع وجود غباء و عدم اهتمام متفشي
حتى مفيش اسئلة صح وغلط
ولا اسئلة اختياري زي الاول
ولا توصيل
ولا سؤال خط
الاسئلة اللي كان ممكن العيل حتى يحلها بالصطفة وتخبط معاه صح
مش كدة بس
ضافوا كمان اسئلة استماع رزلة وبتوه العيل
وخطاب
وبراجراف
وبرجراف ناقص
وانا متاكد انا فى اسئلة ميحلهاش غير مدرس المادة اللي بيدي سنة ساتة
منكم لله منكم لله
ياريت فى الترم التاني يغيروا المواصفات ويسيبوا المنهج براحتهم

منكم لله
وحسبي الله ونعم الوكيل