عندى مشكلة

[yoyo caty]

المشاركة الأصلية كتبت بواسطة Yasmeena.R

السلام عليكم

ازيكـ ياقمر؟؟ ان شاء الله تكونى بخير

انا عندى خطة حلوة اوى

بس الاول عاوزين نتفق على وقت نص ساعة كدا ندخل فيها هنا

وعيزاكى تكتبى الملخصات اللى معاكى في كل مادة ومواعيد دروسك والمواد اللى ماشية فيها عشان نركز ع المواد اللى مش ماشين فيها اكتر

انا بقى معايا

في العربى : الامتحان والاضواء

* وملخص المعلم مراجعة وملزمة اسئلة من المستر دول مراجعات

في الانجليزى : جيم وسربرايز وتوب ستيودنت

في الالمانى : ستار و هللو

في الأحياء : الامتحان

في الجولوجيا : الامتحان

في الكيميا : الامتحان

في الفيزيا : الامتحان و الوسام الاحمر

مواعيد دروسى :

السبت : كيميا من 9 لـ 11 ،، احياء من 7 لـ 9

الأحد : من 6:30 لـ 9

الاتنين : مفيش

الثلاثاء : فيزيا من 5 لـ 7 ،،

الأربعاء : المانى من 4 لـ 6

الخميس : مفيش

الجمعة : مفيش

انا مش باخد درس في الجولوجيا والعربى طلعت من المدرس ولسة هاخد عند مدرس تانى

المواد اللى ماشية فيها الالمانى كويسة تمام ،، العربى نصه ضايع ،، الأحياء مذاكرة بدون حل

باقى ماباقى ربنا يستر عليا


خطى اننا مش هنمشى مع المدرسين هنذاكر اول باول اللى اخدانه هنديله وقت صغير والباقى هنقسم المواد على شهر او شهر ونص على حسب مذكرتنا نخلص المواد دى حتى لو في مواد هنسبق المدرس لان شهور المراجعة اهم مش هنبقى لسة بنذاكر فيها ونتزنق وفى وقت معانا دلوقتى مش متوترين توتر الشهور دى

وانا عن نفسى اخر المدرسين معايا في شهر 2

لو انتى عايزة تستمرى عادى زى مقولنا وهنكون كدا كدا خلصنا المواد انا الفيزيا ممكن استمر فيها بس برضه هخلصها قبله لانه قايل هيخلص في شهر 4 يكون احنا رجعنا كذا مرة ولو لقيت تمام مش هروح فيزيا

هيفضل معانا 3 شهور ونص دول هنراجع فيهم وهنعمل ملخصات بنفسينا لليلة الامتحان عشان مش هنبقى فاضيين خالص ايام الامتحانات وهقولك ازاى

وبما اننا بنعرف نعمل جداول فاحنا هنمثل فريق في اننا نعمل جدول ممتاز بإذن الله

وكمان شهر على فكرة كويس لان شكلك زيى من الناس اللى بتذاكر ايام الامتحانات وبنخلص المادة كمان في اقلا من اسبوع

فاحنا عاوزين دافع قوى واخر يوم في الجدول كأن اول يوم امتحان في الثانوى فاحنا هنذاكر مذاكرة اولى لازم تكون ممتازة عشان لما نراجع تسهل علينا

وغير كدا مش هقولك هنذاكر امتى والكلام دا احنا ضييعنا وقت كبير اوى لازم نذاكر اليوم كله ونخلى مثلا ساعة ترفيه كفايا اللى ضيعناه

كأنه عقاب لينا اننا مذكرناش من الاول

وان شاء الله بتفويق ربنا نلتزم بالكلام وبتفويق ربنا هندخل اللى نحلم بيه

احنا طول الاجازة نايمين وفى المدارس كفايا كدا مش هنستنى نبقى مرحلة تانية وتنزل الكليات اللى فاضلة لينا لا احنا بإذن الله نحط رجل على رجل ونختار الكلية


معلش طولت عليكى

مستنية ردك

هو انا ممكن ابقى معاكوا ؟ انا بردو نفس المشاكل اللى بعانى منها هى اللى انتوا قولتوها مفيش تنظيم وقت نهائى انا كمان حسة انى لو استمريت على تقسيمة المنهج بتاعت المدرسين اللى باخد معاهم يمكن حتى ادخل الامتحان من غير ما اراجع .. انتوا نفسكوا مش هتصدقوا انا كيمياء .. اخدت 6.7 و اول حتة فالعضوية لحد الالكانات و مش كلها كمان والكهربية لسة و مش متظبطة فى اللى اخدته كمان عاوز حل كتير و انا مش هينفع اغير المدرس دلوقتى خاالص بس انا لو مشيت معاكوا فالجدول و و احضر معاه هيبقى تمام اوى باذن الله
الفيزيا :اخدت 9.10.نص الفصل 11
جيو لسة فبداية الفصل 2
احياء اول درس وراثة ماعدا مندل الثانى
E غيرت فيه مدرسييييييين كتييير فالاخر اخدت مع مستر هيبدا ال10 الحصة الجاية و طبعا فى حاجات واقعة منى زى 7.8.9 يونت و 3.4 فالقصة
المانى:فدرس 10 بس واقع منى جزء كبير بسبب انى كنت بغيب فيه على حساب دروس تانية و كده
بس ان شاء الله ناوية انتظم
اتمنى تقبلونى معاكم و ان شاء الله نشجع بعض
و انا معايا عربى :الامتحان و دليل التقويم و لسه متفتحهمش كنت بستخدم ملزمة المستر بس
المانى :ستار و بريمير و ملزمة الميس
انجليزى :توب ستيودنت سربزايزو ملازم الميس اللى سبتها ملازمها حلوة و معايا الترجمة و السبيكرز
احياء :الامتحان و كتاب الاول و الدليل و مفتحتش غير المتحان و الباقى لسة ..يارب يتفتحوا بقى
الكيمياء :الامتحان و مندليف و الوسام بس طبعة قديمة و الامتحان بس هو اللى فتحته
الجيو : الامتحان بس
الفيزيا: الامتحان و المثالى و الوسام و الدليل و لسة متفتحش
ان شاء الله ربنا معانا و يوفقنا و نغير النظام اللى فات ده خالص احسن الواحد لو كمل على كده مش هيحصل حاجة بعد الشر اتمنى تردوا عليا فاقرب وقت