عــــــــــــــــــايز عـــــــــروســـــة

[عاطف حمدان محمد]

**** عايز عروسة ****
******************
نفسي في عروسة توقف جنبي
اقول يا روحي ..... تقول حبي
مش واحدة دايما عكس عكاس
كل اما اشوفها اقول ذنبي
لا ياهو ابدا ولا فيس بوك
ولا كل يوم تعمل نيو لوك
ولا حتى بتروح للكوافير
ولا حتى رغاية ولوك لوك
عاوزها حلوة وريحها خفيف
وتعيش معايا ف شتا او صيف
مش واحدة نكدية وعوجة
الكل منها يقول يا لطيف
ما تكونش بيضا ولا سمره
ولا حتى ليها عينين حمرة
اول ما اشوفها اخاف واجري
واقول يا غولة عينك حمرة
عروسة بتقولي يا بيبي
انت اللي م الدنيا نصيبي
فنانة في الذوق والخفة
ولا عمرها تطلع عيبي
عروسة بتقولي يا تيفا
لطيفة جدا وظريفة
كل اما بتقولي بحبك
اقول يا بنت الحريفة