ملتقى طلاب الصف الثالث الثانوى (علمى علوم) 2014

[هتـــلر]

المشاركة الأصلية كتبت بواسطة LOuly K.

يآآآآآآآآآآآآآآآآآآآآآآآآآآآآآآآآآه أخييييييييييييييييييييراً نورتي يــا دكتـــور ♥♥

ربنا يعينك يارب في اللي إنتي فيه أنا عارفه كل لما أسأل حد يقولي
الثانويه العامه دي لعب عيآل والكليه كوم والثآنويه العآمه دي كوم تآني ..

وعلي الرغم من كده أنا تعبانه نفسياً فيها والله ,

هتجنن لأن صحابي بيقولولي إن فيه ناس بتحل بال7 كتب في الماده الواحده
طب انا هعمل كل ده إمتي!!

حاسه ان الوقت جري وخلاص فاضل كام شهر علي المراجعات وانا بذاكر
علي الطاير علشان الدرس ..

الفيزيا لحد الآن مش مظبوطه فيها انا آه بذاكر لكن في المسائل أجي أحل
ألاقي مسائل كتيييييييييييييييير واقفه قدامي .. طب اشمعني فيه ناس بتلقطها ع طول
حاسه ان من كتر الخوف مستوي ذكائي قل .. مع اني الأولي علي مدرستي والله
في اولي ثانوي و2 ثانوي غير ال3 سنين بتوع إعدادي كنت الأولي بردو في كل سنه وكل تيرم..

والناس فكراني خلاص مقطعه الدنيا مذاكره وهطلع الأولي ع الجمهوريه
وانا والله نفسيا متدمرررررررره

فين كل الحاجات اللي قولت إني هعملها في 3 ثانوي ومش هفوت لحظه!!!

الوقت حساه بيسرقني والدرس ده بيجيب الدرس ده بيجيب الدرس ده
والاقي حاجات إتراكمت عليا " يادوب بذاكر واعمل الواجب علشان الدرس "

إنما مش بجيب الماده من اولها لآخرها وأراجعها كذا مره مراجعات دوريه علشان
الماده تبقي ( علي طول في دماغي ) المفروض طالب الثانويه العامه كده!

أنا حاسه اني بذاكر مذاكره 6 إبتدائي

وكل همي أجيب كتب واعمل في خطط علشان أبدأ .. وما ببتديييييييييييييييش!

طب ده من إيه! انا تعبانه اوي والله .. ودرجاتي في إمتحانات الدروس مش حلوه
( مش بقفل حاجه إلا امتحانات الحصه لكن الإمتحانات الكبيره بجيب درجات وحشه )

حتي الأحياء الفصل بتاع مندل المسائل فيه مش بعرف احل اللي فيها أفكار لفه علي بعضها
قولت للمستر قالي ( بالتدريب ) وخصوصا الفصل ده مش هيجي من أول مره

خلصت أسئله كتاب الإمتحان اللي ع الدرس ولسه بردو مش مظبوط معايا خالص :ss

قولت للمستر اجيب كام كتاب طيب في الماده قالي كفايه يا بنتي كتاب واحد كل
اللي كانوا معايا في الأحياء جايبين 50/50 في الماده وكنا شغالين من كتاب الإمتحان بس

لما نبقي نخلص المنهج بقي إبقي لمي كل كتب السوق .. الراجل ده بجد اقل كلمه
تتقال عليه انه عظيم وانا واثقه فيه جدا بس معرفش ليه حاسه ان كتاب واحد دي متنفعش خالص

حتي دليل التقويم مش عارفه اجيبه إزاي ومجاش في المدرسه ..

والإنجليزي معايا فيه 3 كتب ولسه محلتش منهم آآآآآآآآآآآآي حاجه غير كتاب سيربرايز

معايا سيربرايز وسينيور وبيت باي بيت و والله ما فتحت فيهم غير سيربرايز ومحلتش غير
يونتين .. والباقي احفظ الكلمات واقلب ع الطاير علشان امتحان الدرس وارجع الاقي نفسي
نسييييت كل حاجه ..

اللي هيجنني مش كل ده .. اللي هيجنني انهم كانوا بيقولوا ان محدش يقدر يقف قصادي
ولا يطلع الأول عليا .. مدرسين وطلاب .. لكن دلوقتي بقيت احس اني أقل من أقل حد ..

هو ده من الخوف !! انتي كنتي بتعملي ايه يا دكتوره ولا كنتي شغاله من كام كتاب

انا معايا في العربي الإمتحان والأضواء والوسام والمعلم
والإنجليزي بيت باي بيت وسيربرايز وسينيور ..
والفرنساوي المعاصر ومفتحتوووووش ..

الكيميا معايا الإمتحان بس .. والمستر قالي كفايه
والفيزيا الإمتحان وجبت الوسام من نفسي وإتعقدت لما فتحته ومحلتش فيه كلمه
والأحياء الإمتحان بس ..
والجيولوجيا الإمتحان بــس ..

أجيب إيه تاني ولا اعمل ايه .. وهل الوقت عدي ولا لسه بدري

أنا طولت عليكي اوووووووووووي انا عآرفه بس انا في ضيقه بجد

لو حد عاوز يساعدني مفيش مشكله عادي تبرعوا بالنصيحه

يا بنتى اهدى شويه انا حاسس انك متحمسه جداً جداً ما شاء الله بس برده كده غلط على صحتك

اول حاجه لازم تهدى اكتر من كده و تبداى تنظمى نفسك و انا واثق انك عاوزه تعملى حاجه كبيره و كويسه بس متوتره عشان اخر سنه و انها اللى هتحدد مصيرك و كده
بالنسبه للحل هو مهم جداً بس ملوش لازمه لو مفيش اتقان للماده و لو ذاكرتى الدروس كويس والله الحل هيبقى ميه ومش هتحتاجى تحلى اكتر من كتاب بس الحل مهمممم

وكمان مصدقش ان حد هيحل 6 7 كتب بضمييير و هيروح دروس و يذاكر بضمير و يلاقى وقت يريح فيه
احنا عاوزين نبقى واقعيين
الموضوع مش طماطم اللى يشترى اكتر يضمن درجات اكتر
الموضوع مذاكرة بضمييير وبس مش مهم تخلصى كام كتاب و لا تذاكرى كام مره
انا بابا كان بيقولى يوم الامتحان قعدت 3 ساعات فى مسأله عشان اعرف اصلها وفصلها و الحمدلله تفوق فى الماده

فانتى شغلك تمااام بس محتاجه تهدى و تبطلى تبصى لشغل الناس و كلامهم عشان هتلاقى نفسك عاوزه تعملى الف حاجه فى نفس الوقت و هتيأسى

وامتحانات الدرووس مش مقيااااس ابداً واسالى دكتورة مياده حتى

يلا اجرى على مكتبك و افتكرى كلام محمود صبرى ولا مش فاكر اسمه ايه و شوفى وقتك اد ايه و نظمى نفسك

بالتوفييق