مصنع الحاج عز جودة

[عبد الحميد بدوي]

مصنع الحاج عز جودة

فيه اشكال والوان
فيه زى ماتقول قول
و فى قلوب كلها تقوى وعمل وايمان
وفيه ايادى شغالة
بتنقل البلد للقدام
مصنع دار جودة
هنا الجودة عنوان
فخر الصناعة المصرية
بدون دعاية ولا اعلان
وكل حاجة ميه ميه
حسب الموصفات العالمية
بالسنتى والميزان
فاتح بيوت الغلابة
ربنا يزيده ويبارك فيه كمان وكمان
مشغل شباب ورجالة وعيال وبنات ونسوان
ربنا يبارك فيك يا حاج عز
ويزيدك كمان وكمان
وترفع راية مصر فى كل البلدان
ويكفى أنك بتساعد الغلابة
وطيبة قلبك بيضربوا بيها المثل
عشان كدا بيجيلك ناس محتاجة من كل مكان
الحاج عز اشهر من النار ع العلم
ربنا جعله سبب
فى فتح بيوت من غير عدد
نبع الكرم
ربنا يكون دايما فى عونك
ويبعتلك المدد

فى مصنع الحاج عز جودة
الاخ ابو اليزيد
اللى مايعرفش اذا كان متجوز ولا مطلق
ولا عنده ولد ولا مخلف بنتين
اللى لما كان بيجيبوا الدهب
خطبيته كانت بتجيب الطحين
اصلهم ماكنوش فاضيين
الا لما تشوفه ماشى هو نفسه
ما يعرفش هو رايح فين
وبيقول امى قالتلى
ما تخدش يا ابو اليزيد فى اليومية
اقل من خمسين

وفى كمان عمى فوزى البنا
وابنه حسام ادب وذوق واحترام
بجد راجل ابن راجل ماتقدرش تقول
فى تلت التلاتة كام
عمى فوزى هو اللى بنى المصنع
طوبة طوبة
وهو اللى بنى العزبة كمان
تسلم الايادى يا عمى فوزى
وتسلم يا حسام
ويكفى خوفك على المصلحة والاهتمام
عشان كدا فى حب من زمان


وفيه كمان عمى الحلفاوى وفي عمى الشحات
ورا كل واحد قصة ممكن تتعمل مسلسلات وافلام
في المشرف اللى جاى بواسطة وعامل فيها فارس الفرسان
وهو مايعرفش اتنبن فى تلاتة بكام
وفي احمد هرم شهامة ورجولة واحترام
بس لو يبعد عن المخدرات والبرشام
وفى كمان محمد بلال فانتازيا

والله انا ليا نصيب اشوف الناس الحلوة ديه
والاستاذ محمد عبد المقصود اللى كان
زميلى فى الاعدادية
بس فرقتنا الايام
بالظبط زى ما بقى على البوابة وانا جوا فى الجهادية
بس كلمة حق تنقال الراجل ادب وذوق واحترام
وانا اشكر الظروف اللى جمعتنا
وفكرتنا بأيام زمان
ولازم الكل يعرف
ان رغم مرور السنين
هايفضل الاصيل اصيل
والجبان جبان
وعشان كدا
تقدر تقول ان محمد عبد المقصود فى المصنع
رمانة الميزان

والاستاذ خالد خطاب
الكل فى الكل
راجل يتحط على الجرح يطيب
بيحترم الجميع من الصغير للكبير
بجد مش لاقى فيه كلام يتقال
لانه فى فن الادارة فنان
ويطلب الشغل بكل ادب واحترام
والحاج وحيد عضام
جارى والباب فى الباب
لما عرف انى شغال فى المصنع
كل شوية يقولى بلغ سلامى للاستاذ خالد خطاب
من زمان واحنا اصحاب
واخر مرة زرته أنا والشيخ هوارى
جابلنا كباب
وانا قولتله انا مش عايز واسطة من حد
انا المهم عندى ما ارجعش بس من ع الباب
كل شى مقدر ومكتوب فى كتاب

أنا اللى قلت فى حب الوطن أحلى كلام يتقال
أنا اللى حولت الوطن لقصيدة واغنية وموال
دارت عليا الايام وبقيت شغال باليومية
ومع ذلك من جوايا سعيد ومبسوط وفرحان
لان الشغل مش عيب
العيب انك تقعد عطلان
الشغل هو الحياة هو الايمان
الشغل هو اللى بيخلى الانسان انسان
وكلمة اخيرة
ربنا يبارك فى اللى فاتح بيوت الغلابة
ويزيده كمان وكمان

الشاعر
عبد الحميد بدوى