خد الكلمتين دول و مش مهم ترد

[هتـــلر]

.
.
.



مرحلة المراهقه تعتبر اصعب مرحله عشان بيكون عندك نقص خبره و تغير فى الهرمونات و بالتالى تقلب ف المزاج و عصبيه واندفاع
عشان تعدى المرحله ديه بسلام لازم تعرف كويس انك هتتاثر بسهوله باى حد حوليك وده عشان شخصيتك لسه متكونتش عشان كده معظم صفاتك هتاخدها من اكتر شخص قريب ليك من غير ما تحس الا وهو " صاحبك " انا كبرت الكلمه عشان الشخص ده هو المسئول عن تكوينك و تكوين فكرك و صفاتك و الكلام ده علمى و دينى كمان "المرء على دين خليله" عشان كده اهم نقظه تختاار كويس و اللى تكتشفه اى كلام تغيره فوووراً حتى لو بينكم عشره طويله و اعرف كويس ان صاحبك هو اللى هيكون شخصيتك مش حاجه تانيه
بالنسبه بقى للولاد فاكيد انت عارف العاده ومش لازم اتكلم عنها عشان تبقى عارف هى مش مضره بس لو كانت على فترات متباعده بس لو بشكل يومى ممكن توصل لسرعة قذف و توتر و احساس بالدونيه و احتقار للذات و ارهاق للجهاز العصبى و سمعت ممكن توصل لسرطان البروستاتا و عقم
وبالنسبه للسجاير انا مش هكلمك كتير بس هكتبلك كلام ربنا " ولا تلقوآ بايديكم الى التهلكة " و اكيد انت عارف ان السجاير بتسبب سرطان الرئة و امراض تانية كتير

البنات يا ريييييت متبصيش للبنات اللى بتمشى مع ولاد و تفتكرى انك معقده و لازم تعملى زيهم انا عارف الزمن ده زمن فتن و معظم الحرام بقى عادى بس اثبتى و حافظى على نفسك و ابعدى تماماً عن اى واحده كده و خلى فى علمك انك لو مشيتى فى الطريق ده ربنا مش هيوفقك و هيكون غصبان عليكى "ولا متخذات اخدان "
و يا رييت برده ترحمونا من الحجاب اللى محتاج حجاب ده .. انا نفسى افهم ازاى عاملين حساب للناس و مش عاملين حساب للى خالقكم انا مش هقولك قال الله و قال الرسول . انتى لبسك اللى مجسم جسمك سواء بناطيل جينز او فيزون و باضيهات شويه و هتفرقعو منها ايه لازمة الحجاااب معاهم !!!! انتو فاهمين ايه الفكره من الحجاب اصلاً ؟! مش عشان تغطو شعركو و بس و يا ريت بيتغطى كله ده فيه اللى بيطلع الاصه بره و حاجات غريبه كده و اكنهم بيستهزؤوا بالحجاب
انا مش هرغى معاكم كتير فى الموضوع ده لانه بيرجع لخوفك من ربنا و مدى ايمانك و ربنا يهدى الكل و ذكائك بمعنى انك لو ذكية هتعرفى انتى هتعيشى فى الدنيا اكتر و لا الاخره و على اساس كده هتعرفى تبذلى مجهود اكتر لمين

نصيحه عامه لاازم تقربوا من ربنا وتستغلوا الوقت الفاضى اللى عندكم و تلحقو تعودو نفسكم على عبادات كتير عشان لما هتكبرو هيبقى وقتكم ضيق جداً و طبعكم هيثبت و اللى اتعود على حاجه غلط مش هيلاقى وقت يغيرها

وبكرر كلامى اختااار كويس صاحبك او صاحبتك و يا ريت لو يكون باباك او مامتك


طبعاً سبت ام المذاكره عشان ارص ام الكلمتين اللى مش عارف كتبتهم ليه و مش معنى النهارده فيا ريت تدعوولى ولو حتى حاجه بسيطه كده و انا بدعيلكم كلكم و ان شاء الله نبقى كلنا مع الرسول عليه الصلاه و السلام فى الجنة

يلا انتشروا