عاوزة أستشيركم في حاجة يا جماعة

[بنوتة الثانوية]

بسم الله الرحمن الرحيم

أنا واحدة صاحبتي هيا اللي داعتني لمنتداكم الجميل ده وقالتلي ان انتوا اعضاء كويسين جدا عشان كدا انا بثق في رأيكوا
عاوزة استشيركم في شئ
حكاية سماع الأغاني

في ناس كتير تقول انها حرام

وناس تقول انها حلال مادام لا تلهي عن ذكر الله .. يعني مش طول اليوم السماعة ف وداني وبسمع .. لأ .. تبقا من فترة لفترة يعني مش حاجة اساسية في حياتي
وكمان يقولوا مادام مافيهاش كلمات مخلة بالآداب يبقا مافيهاش حاجة
بس الكليبات هيا اللي متفق عليها انها حرام

المهم يعني خلاصة القول

أنا الصراحة محتارة لاني شايفة ان الحاجة دي شئ عادي مش بيضر الإنسان ولا بيبعده عن ربه طول ماهوا مش على طول بيسمعها أو بيسمعها اكتر من القرآن مثلا

الصراحة انا بحب اسمعها وفي نفس الوقت خايفة لأكون بكدا بغضب ربنا
بجد يا جماعة انا متوغوشة اوي ومش عارفة اعمل ايه ,, ياريت تفيدوني

ملحوظة : محدش يفتي وبس يا جماعة عاوزة كلام أطبقه وموثوق منه

وشكرا