ملتقى طلاب الصف الثالث الثانوى (علمى علوم) 2014

[NeVeR CoMe BacK]

المشاركة الأصلية كتبت بواسطة ابانوب ايليا

سؤال بسيط يادكتورة ميادة

هل كنتى بتحلى تمارين على كل درس فى العربى؟ انا مش بلاقى وقت احل غير قطعتين بلاغة فى الاسبوع وقطعة نحو بيدهومنا الاستاذ واجب بس مش بحل على باقى الفروع علما ان الاستاذ حيخلصلنا المنهج بدرى وبدون كروتة وحناخد فترة مراجعة كبيرة بقول احل فيها كمية كبيرة

ممممممممممم هو انا لو قلتلك انى محلتش ولا سؤال بلاغة غير فى شهر 5 هتصدقنى
كده انت مية مية وفلة جدا بس باقي الفروع بقا حاول متكنسلهمش يعنى تحل عليهم بردو بس يعنى ان الله لا يكلف نفسا الا وسعها بص العربي هيفضل مضايقك طول لسنة بس ان شاء الله هيتظبط فى شهور المراجعة فمتقلقش منه اهم حاجة النحوووو تفهمو كويس اوى وتبقا بمعنى اصح عقر ف النحو . البلاغة تفهم القطعة كويس اوى وتعبر بأسلوبك وبردو اهم حاجة ف البلاغة بصراحة يعنى هى الكلام الكتير لُك كتير جدا فى السؤال اللى تحس انو رخم او مش عارف اجابته اوى لك واشرح وكده يعنى والمصحح هيزهق منك اساسا فهيديك الدرجة كاملة باقي الفروع زى النصوص تزاكرها كويس وبفهم بردو واهم حاجة التعليق بتاع النص ده انا عارفة انو رخم بس بردو هيتظبط ف المراجعة والقصة انا مش عارفة انتو عليكو قصة طه حسين ولا مين بالظبط ؟؟ بس هو الكل ومنهم انا يعنى كنا قرفانين منها القصة دى والمدرسين نفسهم كانو قرفانين منها فانا كنت زاكرت اول جزئين وتالت جزء مجيتش ناحيته كنت بقرأها وافهمها واتخيلها كده وكنت بحل واجب المستر وخلاص وساعات كنت بكنسلها المهم يعنى العربي سهل انك تجمع فيه درجات بس خليك مرن كده متبقاش ماسك اوى يعنى بحبح ايدك اخر السنة وانت بتكتب وهتلاقي نفسك جمعت درجات بس طبعا النحو يكون متجاوب كلو تمام وصح