ملتقى طلاب الصف الثالث الثانوى (علمى علوم) 2014

[LOuly K.]

المشاركة الأصلية كتبت بواسطة مسلمة متفائلة

LOuly K]#كتاب_المدرسة مش متعودة عليه نهائي

لكن هضطر السنة دي أذاكر منه الكيميا ..

بالنسبة لتنظيم الوقت

الكتاب ده هيفيدكم إن شاء الله كتير


وهيفيدكم في المذاكرة عمومًا إن شاء الله

وهيفيد الناس بتوع علمي رياضة أكتر ^^

والله يا بنتي ولا عُمري ذاكرت منه
كتب المدرسه أصلا كلها عقد وحاططلك يادوب حاجات من ع الوش
لو كيميا تلاقيه حاططلك مسأله تطبيق مباشر ولو فيزيا نفس النظام
ويجي فـ المسائل تلاقيه بقي جايبلك حاجات عجيبه !
بس كتاب المدرسه بتاع الكيميا فـ الشرح جميل جداً والماده العلميه فيه حلوه ..
ونظم شويه عن باقي المواد يعتبر أحسن كتاب إنما الفيزيا عااااااااااااار
وتسلم يا كبير ع الكتاب أنا هشوفه أهو :*

المشاركة الأصلية كتبت بواسطة أمير البلاغة

كل سنة و انتو طيبين يا جماعة

وإنت طـــيب عيد سعيد عليك وعلينا كلنا يارب ويارب نستثمر فيه وقتنا بجد ^^

المشاركة الأصلية كتبت بواسطة هتـــلر

حد هيزور القرايب فى العيد ؟ القرايب البعاد اقصد

شعار طلبه ثانويه عامه : اللي عايزنا يجيلنا مش هنروح لحد

المشاركة الأصلية كتبت بواسطة mostafaelboshi

يا جماعة هو بالنسبة للفيزياء لما بتيجو تزاكرو النظري بتاعها بتحفظوه من كتاب المدرسة لازم ولا ممكن من ملخص الامتحان عادي اصل انا حاسس ان انا لازمن اعيد كل اللي زاكرتو تاني من كتاب المدرسة لان فيه ناس بتقول انهم احيانا بيقعدوا يدققوا في الحاجات النظري دي لو لاقوك مقفل الامتحان وبالنسبة للحل عليها بتحلوا من ملخص ايه هي والكيميا

أنا لما قارنت ملخص الإمتحان بكتاب المدرسه لقيتهم زي بعض شوبه بس الإمتحان أكتر
ولما قارنت ملخص الإمتحان بورق أستاذي لقيت المستر مزودي ملاحظات المسائل والحاجات
دي والفرق كبييييييير ما بينهم .. وعايزة أقولك إن الماده العلميه فـ كتاب الفيزيا ضعيفه جدا
يادوب القانون وتطبيق مباشر وخلاص وحتي مش منظم وبيوجع الدماغ بس لازم تراجع أفكارك
منه بعد ما تخلص مذاكره علشان نصوص القواعد .. زي قاعده أمبير لليد اليمني كده أو قاعده
البريمه لماكسويل .. وعندك قاعده عقارب الساعه وهكذا كل كتاب بيحب يحط التاتش بتاعه
زي ما بيقولوا بس كتاب الإمتحان محترم الصرآحه

أنا عن نفسي بذاكر الكيميا من مذكره المستر وكتاب المدرسه جميل جداً

المشاركة الأصلية كتبت بواسطة ابانوب ايليا

الف شكر

انا عندى استفسار
انا خلصت 6 وحدات وفصلين قصة وصعب ارجع اذاكرهم من كذا كتاب بسبب ضيق الوقت

هل ابدأ بتطبيق الطريقة من دلوقتى فى الوحدات الجاية وفى المراجعة ابقى اطبقها على ال6 وحدات والفصلين قصة اللى اخدتهم ولا لازم ارجعلهم؟؟

العفو علي إيه ده إحنا كلنا إخوات ^^

بُص هقولك .. أنا أخدت 3 وحدات وفصل قصه ماشي تمام
ومعملتش الطريقه دي خااااالص ولا لسه بدأت فـ حاجه إلا أسئله خفيفه من Surprise ..
بس علشان مبقاش كذابه المستر بتاعتنا عاملنا مذكرات أسئله كتير جدا
دي اللي كنت بحل منها حوالي 3 مذكرات أسئله .. مواقف وترجمه وسبيكر وهكذآ ..

يعني إحنا زي بعض فـ النُقطه دي .. كل ما علينا نعمله بقي إننا ناخد يونيت جديد
مع يونيت قديم .. النهارده مثلا أخدث السابع .. يبقي هحل ع السابع والأول
أخدت التامن يبقي هحل ع التامن والتاني .. أخدت التاسع يبقي هحل ع التاسع والتالت
وبعد التالت الـ Revesion A باين يبقي تاخدها مع الـ Revesion B اللي بعد التاسع ..

وهكذا .. وهتلحق وانا كمان هعمل معاك كده بقي
بس نصيحه صدقني علشان متتعقدش لازم تقرأ الشرح بتاع كل كتاب قبل ما تحل
علشان تعرف تحل .. بس إقرأه بسرعه كده بالنظر علشان بس توفير الوقت وأهو كله
تحصيل حـاصل .. وعلشان تحل بقي المُشكله دي خلي للإنجليزي ساعه ونص فـ اليوم

وخلي كتاب الإنجليزي معاك علي طول أي وقت فاضي أي حصه مدرس يتأخر فيها
حتي لو مواصلات والله طلعه الـ Choose مش بياخد حاجه ولا Find The Mistake
ومتتعبش نفسك فـ كذا كتاب انا عن نفسي هبدأ بـ كتابين بس وفـ المراجعه بقي هكمل
علشان بردو مياخدش أكتر من حقه وكده :$