ثقافة الاحترام

[هتـــلر]

السلام عليكم
اى حد ما بيصدق يدخل هندسه او طب ويروح على طول يغير اسمه فى الفيس بوك او المنتديات ويحط جنب اسمه eng او dr و اى حد بعد كده يساله عن نفسه يقوله انا الدكتور كذا كذا او المهندس كذا كذا و يتك اوى على اللقب و طبعاً اللى يسمع انه مهندس او دكتور يحترمه على طول حتى من قبل ما يتعامل معاه انما لو مدرس او محاسب فده لازم الاول نتعامل معاه و فى الاغلب مبيكونش فيه احترام كبير زى اللى بياخده اللى دخل كليات قمه
انا سؤالى دلوقتى هل فعلاً دخول كليات القمه دليل على الادب و الاخلاق و انك شخصيه عظيمه تستحق الاحترام حتى من قبل ما اتعامل معاها ؟!
وليه معظم اللى دخل الكليات ديه بيبقو شايفين نفسهم جداً و فيه منهم عامل نفسه متواضع بس اسلوبه عكس كده تماماً
هل يحق ليهم (من غير تعميم) انهم يتكبرو عى حد ؟!
هل انا لازم اتخلى عشان جبت 99 ادخل طب و انا كاره الطب بس عشان الناس تحترمنى و اسيب كلية حقوق اللى بحبها و هبدع فيها و هفيد بلدى كويس جداً
للاسف اللى بيتقال عكس الحقيقه
انا لو سالت اى حد انت احترامك للشخص بيكون على اساس ايه ؟! هيقولك اخلاقه و شخصيته ..الخ وكلام الروايات ده و بعد كده تلاقيه بيتعامل مع عامل النظامه باختقار و الناس الفقيره الغلبانه بنفس المنظر و تلاقيه يتعامل مع اللى معاه منصب كبير فى البلد بكل احترام و توقير

بجد ده الواااقع اللى موجود
شهادتك هى سبب احترام الناس ليييك

اتمنى اسمع ارائكم فى الموضوع ده