حكاوى الليل

[مريم السباعى.]

حكاوى الليل
.....................
يا محلى الليل وسكناته
وفرحه ويا اهاته
تبات عيون سهرانه
وعيون دايبه فى سكراته
ما بين ذكرى بقالها سنين
ما بين سارح فى احلامه
ما بين تايه بين شطين
غارق فى بحر افكاره
ومين قال الليل ساكن
مين قال الليل عتمة
دة الى ساكت فى النهار
تلاقى سهرته دوشة
مابين هيمان
ما بين تعبان
ومابين حبيب
الحب واخد معاه سهره
ومابين عاشق فارق حبيبه
تلاقى فرشته جمرة
وما بين عابد ميعرفش
من غير قيامه
لحياته اى معنى
ومين قال الليل ساكن
مين قال الليل عتمة
دة الى ساكت فى النهار
تلاقى سهرته دوشه
بصو لسما
قهوة !!
بتجمع كل السهرنين
والنجوم صحاب تواسى
هم كل الحيرنين
وتعدى نسمة على سهوة
تحلى الحب والسهرة
ويجى
مللك الحب والنشوه
القمر
والقمر دة لوحدو حكاية
معروف فى الدنيا العشق مرايا
يبص فيها كل عاشق لمعشوقه
كانه بريد محبة
يوصل كل شوق لشوقه
يلى فاكر ليله ساكن
احب اقولو لسة بجد
معاش يومه !!!
بقلم/ اشرقت الشمس