مضايق .......قلقان ........ خايف من النتيجه طب تعالي اقولك

[وفاء البحر]

احم احم

السلام عليكم ورحمه الله وبركاته
ازيكم يا بنات ازيكم يا شباب
انا جايه اقول كلمتين لاخواتي وزمايلي هنا في المنتدي بس يارب يكونوا كلمتين خفاف
انا ملاحظه ان في طوفان من القلق مغرق المنتدي كله بسبب انتظار ظهور النتيجه وطبعا انا منهم

بس انا عايزه اقول حاجه :-
المفروض ان احنا تعبنا طول السنه وعملنا اللي علينا وربنا مش بيضيع تعب حد ولا ايه
"ان الله لا يضيع اجر من احسن عملا"
ولو لقدر الله لقدر الله يعني النتيجه كانت مش كويسه فده هيكون علي الجميع لان كلنا عارفين الامتحانات كانت عامله ازاي

ولو النتيجه كويسه ان شاء الله ان شاء الله يبقي الف مبروك للجميع
واللي هيدخل الكليه اللي هو عايزها ان شاء الله يبقي يحمد ربنا
واللي ربنا مش هيكتبلوا الحاجه اللي هو عايزها يبقي ربنا شايفله الخير في مكان تاني ولا ايه
ويبقي انسان ناجح في حياته وفي شغله والمجال اللي ربنا اختارهولوه
المهم يكون هدفنا من الدراسه في اي مكان هو طاعه الله وتسخير هذا العمل من اجل خدمه الاسلام والمسلمين

يارب تقبلوا كلامي
وتطمنونا عليكم بعد النتيجه وان شاء الله تكون نتيجه مشرفه
اختكم في الله

وفاء