!퇇 ღ.¸¸.بابا حسنى ..........ماما سوزان.¸¸.ღ

[eyes_smile]

http://www.dwetoo.com/vb/upload/16_11211208061.gif


فى كل سجده فى صلاتى بشكر ربنا عالنعمه اللى انعمها عليا,فى كل دعاء بحمده انه وهبنى النعمه ديه .النعمه دى اللى بغيظ بيها اخويا الكبير اللى تولد سنه 1975 وبغيظ بيها اخويا اللى بعده واللى بعده اللى اتولد سنه 1980.


(انا من جيل بابا حسنى وماما سوزان هييييييييييييييه)

انا الجيل اللى اتولد فى عهد بابا حسنى وماما سوزان وشكلى هموت وانا لسه فى عهدهم امال مش لازم يكبرونى ويجوزونى ويشوفو ولادى وبعد ما اموت يدفنونى ياجماعه بقولكو اتولدت فى عهدهم يعنى هم بابا وماما وسعات انور وجدى وكل حاجه فى حياتى.

انا اتولدت فى الدنيا دى وفتحت عنيا عليهم.



**ماما سوزان اللى تعبت وضحت كتير عشانا تخيلو طلعت فى عالم سمسم مع نمنم وخوخه عشانا
**ماما سوزان اللى من كتر حنيتها واهتمامها بالطفوله مفيش عندنا اولاد شوارع ولو نزلت وسط البلد عند اخر ساعه مش هتلاقى العيال اللى بيخدوا من العصير والاكل بتاعك من كتر مهم جعانين.


**ماما سوزان اللى اهتمت بعلاج الاطفال الفقرا على نفقه الدوله عشان كده مفيش حاجه اسمها جمع تبرعات لناس مش لاقيه 5 تلاف جنيه والا ابنهم يضيع منهم (5 تلاف جنيه ماما سوزان بتشرب بيهم بيبسى)



احيلكوا ايه ولا ايه ياجماعه دى ماما سوزان



بابا حسنى تعبان والله عشانا وشقيان علينا تخيلو المليارات اللى بتيجى من قناه السويس مش مكفيانا عشان كده بيشقى علينا
***بابا حسنى اللى لو مشى فى الشارع ولقى واحد نايم فى عز البرد على الرصيف وجعان وملوش مأوى يأمر بصرف بطانيه ووجبه من عند كنتاكى عشان يدفى وهو ع الرصيف.


***بابا حسنى اللى لما بنقل ادبنا ونطول لسانا بيستحملنا لكن لازم يربينا مهو ابونا برضه والاب ايه ياشطار؟؟؟؟؟برافو الاب هو اللى يربى فيكلم اونكل حبيب الكل(يطول عمره يزهزه عصره ينصره على مين يعاديه هاى هئ)عشان يربينا مهو خالنا والخال برضه والد

***بابا حسنى اللى لما شاف حال الناس امر بعلاوه 30%ومعرفش ان الحكومه هتزود البنزين والاكل (العدس ب12 جنيه العدس يارجاله)مهى الحكومه الوحشه عملت ده من وراه

***بابا حسنى لما العباره غرقت وغرق معاها 1000 واحد من اولاده قال القانون ياخد مجراه والمخطئ يعاقب وللاسف المجرى ضيق شويه ولسه موصلش القانون ليه


احكيلكو ايه ولا ايه بجد انا مش مصدقه انى من ولادهم واتولدت فى عهدهم تخيلو انا بعاير اخويا واقوله اييييييه؟

بقوله امشى انت من جيل ماما جيهان لكن انا من جيل ماما سوزان وهو دا الفرق بينى وبينك وانا عرفه انك بتحقد عليا عشان كده!



بابا حسنى.......ماما سوزان



ربنا يخليكو لينا وتجوزونا وتموتونا وتربو احفادكو اللى هم ولادنا انشاء الله
بجد انا


فخوره فخوره فخوره


http://www.dwetoo.com/vb/upload/16_11214572677.gif

لدرجة انى بتنطط من الفرحه

شايفين؟

هيييييييييييه


بابا حسنى جه

http://www.dwetoo.com/vb/images/smilies/mf_scotsman.gif


هيييه هيييه

ماما سوزان اهى

http://www.dwetoo.com/vb/images/smilies/hippi.gif


عسل يا ماما سوزى امورة



هههههههههههه



http://www.dwetoo.com/vb/upload/16_11211208321.gif