موضوع مقدم من الاستاذه لافانيا

[محمد محمود بدر]

قمت بحذف الموضوعات التى قامت بعملها الاستاذه لافانيا فى قسم خبر وتعليق اليوم

وأرسلت لها رسالة على الخاص بأن تلتزم بقرار مجلس الادارة فقامت باعادة الرد بأنه يجب فتح قسم قضايا سياسية واعادة الحق للرد من المشرفين لما سببه ذلك من مضايقه لدى المشرفين
وهذا هو سبب الرسالة

الأمر لحضراتكم

******************************
نص موضوع الاستاذه لافانيا

*******************************
الى ادارتنا الموقرة

مساء الخير ع الجميع

اولا من على منصة ادارة الاقسام العامة

لازم اول حاجة نعملها نشكر اعضاء الادارة السابقة

ع مجهودهم الكبير بالمنتدى

ونقدم اجمل التبريكات والتهانى لاعضاء الادارة الجديدة

ربنا يوفقهم ويعينعهم علينا كمشرفين وع الاعضاء

انا بصراحة عاوزة اتكلم بحاجة مضيقانى بجد و اتعشم حضرتكم

تفهموا ازاى نفسيتنا اتحطمت ع عتبة الاقسام السياسية

انا انهارده نزلت خبرين بقسم خبر وتعليق

خبريين عاديين جدا نعتبرهم اخبار فى حب مصر بعيدا عن الصراع

اللى حاصل بين الاخوان والجيش : فيه اخبار كتيرة تخص مصر بعيدا عن الصراع دوت

ولازم ننزلها مش لازم نخلى قسم خبر وتعليق لاخبار الصراع اللى حاصل دوت بس

المهم اتحذفوا لان ممنوع مشاركة المشرفين

تب الموضوع دوت كان فى فترة البلد فيها صراع رهيب واحتدام كبير اوى

انا نفسى اشارك باخبار بعيدة عن دوت ليه معنديش فرصة للمشاركة

بما انى محايدة ولا مع دول ولا دكهم عايزة استقر واعيش بس

معلشى انا نفسى الادارة تراجع القرار دوت لان حاليا الامور هادية

ومعدتش زى الاول كمانى المشرفين المتشددين سابوا الاشراف

خلاص عشان يشاركوا واحنا محايدين وملناش بالامور ديت

وكمانى البرامج رجعت لطبيعتها بالقنوات لان المرحلة هديت ورايحين للاحسن ان شاء الله



وبردك نفس المشكلة بتقابلنى فى قسم الفيديو

ورب الكعبة معرفاش انشط القسم واخليه يتابع

لانى ممنوعة من تنزيل موضوعات تناسب المرحلة

وبينى وبين حضرتكم بحس ان الاعضاء بتقول عليا مشرفة متخلفة وساذجة

ما انا بنزل فيديوهات عن الحيوانات والنباتات عشان اشغل القسم


اخيرا من فوق منصة ادارة الاقسام العامة

اطالب حضرتكم بمراجعة القرار دوت حقاظا ع نفسيتنا

وكمانى اشتقنا لقسم قضايا سياسية ورب الكعبة القسم دوت غير مفاهيم كتيرة

عندنا وكمانى استفدنا من اساتذتنا كتير وكون افكار وتابعنا مقالات حلوة كتيرة

منه لان مش ممكن هنشوف كل المقالات اللى فى الصحف فكانت الناس بتختار

وبنتابع معاهم اخيرا اضع رسالتى لاستاذ محمد بدر

اقتباس:
استاذ محمد
مش القرار دوت كان عشان الخلافات اللى حاصلة بين الاعضاء
تب ما الامور هديت ليه مش نرجع نشارك زى الاول طالما بنحترم الجميع
ومبنعملش اى اثارة لحد
وبعدين انا ع طول كنت بتابع خبر وتعليق وقضايا سياسية
وادخل موضوعاتى هتلاقى ليا فى القسمين دولت موضوعات كتيرة
احنا مش متعصبين ولا مع دول او دول
والاخبار اللى شاركت بها بالقسم اخبار عادية متعملش مشاكل
برجاء مراجعة الموضوع دوت
ما احنا بردك ممكن نشارك ونكون ع الحياد
بدل من اننا هاربنين كده
وبردك قولتم هترجعوا قضايا عربية ومرجعتهوش مع انه كان مفيد وربناا جدا وبيصحح
مفاهيم عندنا وكنا بنقرا فيه موضوعات ومقالات روعة وربنا وبنتعلم من الناس المحترمة الكويسة
برجاء مراجعة الامر ده لان اكيد مهينفعش نفضل منشاركش ولا ايه رايك استاذ محمد
تحياتى لحضرتك
ليا سؤال

اساتذتى لما انا مسموح ليا انزل موضوعات داخل موضوع عن الاخبار لمشرفة القسم
زى ما قالى استاذ محمد بدر : ليه منزلش الموضوع لوحده منفصل بدل ما يتوه فى وسط الاخبار وكمانى الموضوع باسم مشرفة القسم ؟

معلشى طولت ع حضرتكم بس كت عاوزة اوضح وجهة نظرى

بانتظار رأيكم

خالص شكرى وتقديرى للجميع