تسريب في أوراق رسمية

[اوركيديا]

انا لقيت اسكريبتات حلوه قوى فى الدستور وقلت اجبهالكوا عشان تضحكوا زى على حالى و حالكوا
ولو عجبيتكوا اكتبلكوا منها و دى بتاعت اخر عدد

تسريب في أوراق رسمية

المشهد الأول:

«يظهر رضا وحلمي في مكان مظلم بالمقطم»

حلمي: إنت ضارب جدر غويط ليه ما تدلدل السعر شوية

رضا: إنت بتتكلم في الورقة هتمتحن فيها بكرة.. يعني مش هتوجع قلبك في مراجعة نهائية ولا توقعات مرئية

حلمي: «يعطيه شنطة بها نقود»

رضا: لو فلوسك طلعت مضروبة هجيبك بالبلوتوث.. مش أنا اللي يتلعب علي قفايّ كونّكت فوراً.

حلمي: عيب تخربش في ذمتي..الفلوس دي من خير مطابعنا في البنك المركزي

قطع

المشهد الثاني:

«يظهر رضا في الشارع ويتجه نحوه متسول»

المتسول: لله يا بيه..عايز أجيب وجبة من هارديز

رضا: «يعطيه من النقود التي أخذها رشوة من حلمي» الزكاة فريضة برضه!

قطع

المشهد الثالث:

«يجلس حلمي في الامتحان ناظراً إلي ورقة الأسئلة بطرف عينيه في كبرياء..بينما يجلس باقي الطلاب في ذعر»

حلمي «لطالب ينظر إليه في دهشة»: إيه مالك..عمرك ما شوفت واحد متفوق وجهاً لوجه؟

الطالب: هو إنت جاي تمتحن ولا تهدي أعصابك!..الناس كلها بتخر عرق وإنت كإنك قاعد في أرض الجولف

المراقب: «للطالب» بص ياد قدامك بدل ما أقطعلك ورقتك وأعملها زينة للسقف

قطع

المشهد الرابع:

«يشعر المتسول بمغص شديد من الساندوتشات التي اشتراها بنقود رضا»

قطع

المشهد الخامس:

«يظهر رضا في القطار وتجلس أمامه فتاة تسمع أغاني علي الموبايل»

رضا: «للفتاة» ممكن تلمي الصوت ناحية ودنك يا آنسة ولا ضروري تاخدي ودني معاكي عامل مشترك؟

الفتاة: ما القطر كله مشغل أغاني ولا يعني الكحكة في إيد اليتيم عجوة

رضا: يظهر إن كرم الأخلاق مالوش صدا صوت..اطفي الموبايل بدل ما أقلبهولك طفاية سجاير

الفتاة: شكلك واخد قلة الأدب مستوي رفيع عشان تحسّن مجموع

رضا: أنا مافيش حاجة بتتحرك فيا غير لساني.. ومع ذلك لسه ما فكيتش التنية اللي فيه

الفتاة: إنت آخرك ترفع إيدك عشان تاكل بيها

«تشتد المعركة ويقوم لص بسرقة شنطة نقود رضا وتبديلها بأخري لونها أبيض..رغم أن الشنطة سوداء»

قطع

المشهد السادس:

«ينهي حلمي الامتحان في ربع الوقت ويخرج من اللجنة.. وبعد وصوله المنزل يكتشف أنه أخذ معه ورقة الإجابة»

قطع

المشهد الثامن:

«يظهر المتسول تحت الكوبري وهو يتقيأ»

قطع

عايزه تفاعل عشان اكمل

فى رعايه الله