(::)(::)>> أسجن العضو اللي قلمه بيعجبك <<(::)(::)

[عاطف حمدان محمد]

***** انا وانا *****
****************
يا أدي السنين عدت قوام
وانا لسه حاضن حلمنا
نفس الطريق نفس الكلام
بس السلام مش حقنا
حتى الوشوش هي الوشوش
ما اتغيروش من كام سنة
بس الهموم وف كل يوم
من غير لزوم بتهدنا
كاس المرار والهم زاد
نفس الولاد انت وانا
واحد ومقسوم حتتين
ضايع ما بين هنا او هنا
لا انا عارف اهرب م النصيب
ولا لاقي حلم يلمنا ويضمنا
طب هعمل ايه وازاي اكون
وانا من زمان واقف هنا
الشعر شاب والقلب داب
وانا لسه حاضن حلمنا