طريقه تجهيز العروسه قبل الفرح من الالف الى الياء - بنات

[sahar2012]

ليله العمر او ليله الزفاف هى ليله تحلم بها كل فتاه وتحلم ان تصبح جميله وملكه فى هذا اليوم وتخطف الانظار بجمالها وانقتها فى هذا اليوم ويشغل بالها كيف يمكن ان تجهز نفسها فى تلك الليله وقبلها بفتره
لذلك عملك لكل عروسه ملف يصبح مرجع ومساعد لها ويمدها بالافكار والنصائح لتجهير العروسه فى ليله العمر
خدى بالك لازم تكونى مظبطه شقتك قبلها بالكتير اسبوعين وتسيبى الحجات النهائيه للاى حد تانى
وتفرغى انتى لنفسك علشان ما تبقيش شايله هم انك نسيتى حاجه رتبى نفسك قبل الفرح بفتره لان راحه البال مهمه قوى لنفسيتك وبشرتك
قبل الفرح علشان بشرتك تبقى حلوه لازم توقفى نهائى الشاى والقهوه والبيبسي وتشربى يوميا الصبح عصاير ولبن قبل النوم

اول حاجه لازم تهتمى بيها يا عروسه جسمك يعنى لو جسمك مليان حبه حاولى تخسى ودا رجيم سريع

لو كنتى عايزه تمشى على نظام رجيم كويس يخسسك قبل الفرح ممكن تتبعى
رجيم الموز ودا رجيم يابانى مشهور وطريقته كالاتى

تناول الموز كفطور صباحي: يمكن تناول حتى أربع حبات من الموز و يمكن استبدال الموز بفاكهة أخرى حسب الرغبة
يمكن تناول وجبة خفيفة في حال الشعور بالجوع بعد الفطور مثل حبوب الشوفان
تناول الغداء بشكل طبيعي و لكن يمنع تناول الحلويات مع الوجبة
في جميع الوجبات تناول طعامك ببطء و امضغه جيدا و استمتع بمذاقه و انته عندما عندما تشعر بأول درجات الشبع
الشراب الوحيد المسموح به مع الوجبة هو الماء و كذلك في جميع الاوقات من اليوم و يجب شربه على دفعات
الأشربة بين الوجبات كالقهوة و الشاي و الصودا الدايت مسموحة باعتدال و لا يفضل استهلاك كميات كبيرة من الحليب
يمكن تناول وجبة خفيفة كعشاء و لكن لا يسمح بتناول العشاء بعد الثامنة مساء
لا يفضل تناول الشيبس و الدونت و الايس كريم كوجبات خفيفة و يمكن تناول الشوكولاته للتحلية
التوجه للنوم مبكرا و اجعل موعد النوم بعد أربع ساعات من موعد آخر وجبة تناولتها
ركز على المشي يوميا مع بعض التمارين الخفيفة و لا تجهد نفسك بالتمرين الرياضي ان كان ذلك يتعب

لوعندك مناطق غامقه فى جسمك لازم تفتحيها وتبداى بوضع الخلطه اللى هقولك عليها دى متجربه ونتيجتها مضمونه لتفتيح المناطق الغامه



خلطه الجليسوليد بالليمون
خلطه لبياض الاماكن الحساسه وتحت الابط
(( توضع العلبه بعد الخلط فالتلاجه وتستخدم عند الحاجه)))

المقادير::
علبه جليسوليد الاحمر
فنجال زيت زيتون
نصف علبه فكس (العلبه الصغيره)
علبه فازلين صغيره
ليمونه معصوره
صابون دوف مبشور يوضع فى كوب ماء
((يغلي علي النار الي ان يذوب الصابون ويتبخر الماء الا قليلا))

بعد ذلك نضع
الخلطه فالخلاط للمزج او يقلب جيدا بشوكه للمزج ويدهن الجسم كله قبل النوم وفالصباح تستحمي كويس وشوفى النتيجه ولا اروع...
بالنسبه للعروسه ممكن تبدائى فى الخلطه دى قبلها بشهر علشان تضمنى النتيجه لانك فى وقت لا يسمح
بتضييعه
يفضل استخدامها يوميا ...وان لم يكن ....يبقى 3 مرات فالاسبوع..

قبل فرحك يا عروسه باسبوعين هتعملى الماسك دا علشان تفتحى بشرتك

ماسك العروسه:

يروق البشره وينورها ويعالج بهتانها ....... شبيه بماسك الشوفان
المكونات
معلقة دقيق .((ممكن تستبدليه بالشوفان المطحون))
معلقة نشا
معلقة كبيره زبادى.
معلقة لبن.
نص معلقة خميرة فوريه علشان بتجلى الجلد وبتغذيه لأنها غنيه بفيتامين B12 واى بكتيريا ممكن تسبب فظهور حبوب بتقضى عليها خلال الفتره اللى بتهتمى بيها عشان تتفادى اى ظهور حبوب قبل فرحك
معلقة عسل نحل.
معلقة ماء ورد.
معلقة صغيره ليمون.
معلقة صغيرة زيت لوز مر.
والحجات دى هتجبيها من عند العطار
يخلطوا ويتركوا لدقائق لوحدهم ولو المزيج طرى جدا حطى عليهم نشا وليس دقيق لحد مايبقى متجانس وتقدرى تفرديه ع وشك...... ثم تعملى حمام بخار كويس للبشره مدة10 دقايق وتنشفى وشك وتضعى هذا الماسك لمده 20 الى 30 دقيقه ... اغسلى بعدها وشك بماء فاتر بتعملى الماسك دا فالاسبوع 3 مرات
فى الاسبوعين دول
قولنا هتتفرغى لنفسك يعنى هتعملى الماسكات اللى بقولك عليها وكمان تحاولى تعملى باديكير برده يوميا لرجلك وايدك طبعا وسيبي ضوافرك تطلع وظبتيها.



طريقه عمل الباديكير فى البيت

الطريقه الصحيحه لعمل الباديكير

اولا :_ هتجيبى طبق فى مايه سخنه الدرجه اللى تتحمليها وتدوبى فيها شويه ملح وبعد ما يدوب تحطى شويه شامبو أو شاور مش مشكله
وتحطى رجلك فيها لغايه ما تطرى كده وتلاقيها باشت عشان تقدرى تشيلى الجلد
بسهوله وتنزعيه تماما وتبقى رجلك ناعمه خالص

ثانيا :_ هتجيبى مبرد الرجلين اللى فى الصوره
ده اسمه مبرد القدمين ولا تقولولى بقى حجر ولا مقشره ولا الكلام ده تجيبى
الحجم الكبير زى اللى الصوره وفى الغالب مش غالى ممكن تلاقيه فى محلات 2,5
او فى الصيدليات الكبيره
المهم هتجيبى المبرد ده وتشتغلى دعك فى قدم رجليكى لما تقولى يا بس وانتى
هتلاقى الجلد بيطلع معاكى اييييييييه
والاخوات اللى بيستخدموا الموس فى رجليهم عايزه اقولكم انه أكبر كارثه الموس ده
وهو فعلا اللى بيدمر الرجلين مع تقدم السن وهو اللى بيخلى الرجل تصل
لهذه الحال المؤسفه ف الصوره.
فأى واحده بتستخدم الموس توقفه فورا وتبدأ واحده واحده بالمبرد ده ومع الوقت
هتلاقى رجليها بقيت عاديه جدا ومهما قعدتى فتره متعمليهاش عمرها ما هتوصل
للحاله دى أبدا

ثالثا :_ لما تخلصى دعك رجليكى بقى هتنزلى رجلك فى الميه تانى
وتشطفيها من الجلد وبعدين تطلعى رجلك اليمين مثلا الاول وتنشفيها نص تنشيفه
بالفوطه وتجيبى اى كريم جليسوليد الاحمر مثلا وتحطى على وش رجلك وتاخدى منه وتوزعيه
على أظافرك وهتجيبى المبرد بقى بتاع الاظافر العادى اللى هو ده.
وهتجيبى بسن المبرد تفرقى بين الجلد والظافر من الجوانب والمنتصف بحيث ان الجلد
الزائد يخرج عن الظافر لكى تتخلصى منه تماما
وبعدين هتجيبى قصافه الجلد اللى هى دى ف الصوره.

ودى لما تيجى تشتريها هتنقى اللى سنها رفيع عشان تكون سهله فى ايدك وتشيل الجلد بسهوله هتبدأى تشيلى الجلد بدايه من الجوانب بطريقه دائريه بمعنى من الداخل للخارج.
وكده كده مش هتكون صعبه لانى الجلد بعيد عن الظافر هيطلع بسهوله جدا
وبعد ما تخلصى هتبردى ظوافرك زى ما تحبى وبعدين هتجيبى فرشه القدمين وبالراحه كده هتحطيها فى الميه وتمشيها على ظوافرك رايح جاى
كده وبعدين تنشفى مكان ظوافرك بس وتدعكى رجلك بالكريم وخلاص


طريقه عمل كريم سنفره
لجسمك عشان يشيل الجلد الميت من الجسم ويديكي ريحه حلوه(ممكن يتعمل بعد الحمام المغربى...لأن الحمام المغربى طبعا ريحته مش حلوة) وممكن يتعمل لوحده..

المكونات وطريقه الاستخدام
______
1-لوشن خفيف (ايفازلين ) او اى لوشن تفضليه
2-معلقه زيت اللافندر.
3-معلقه زيت الياسمين
او اى زيت عطرى تانى بتحبى ريحته
4-معلقه زيت عنب ...او عصير 10حبات عنب.
5-معلقه زيت لوز حلو ومعلقه زيت سمسم.
6-ليمونه كامله او.....( نص ليمونه لو بشرتك حساسه.)
7-معلقتين ملح او ....(معلقتين سكر او 3 معالق قهوه لو بشرتك حساسه.)

اخلطيهم على بعضهم ...وسيبيه على جمب ..... وخدى دش سخن محترم الاول ... وماتنشفيش جسمك هاتى الخلطه ادعكى بيها جسمك كله وافضلى ادعكى بأيدك كده وسييها على جسمك ربع ساعه ..وبعدين تحت الدش هاتى الليفه (انا بحب الليفه المغربيه) واستحمي بيها يعنى ادعكى بيها جسمك وانتى تحت الدش ..

تجهيزات قبل الفرح بيوم


بكرة فرحك يبقى النهارده بالليل لازم الأتى بالليل عشان جسمك يهدى الصبح:
سويت كامل .
ودى طريقه لعمل سويت يقلل من نمو الشعر ل6 شهور وحتى سنه كامله ومع الاستمرار سيمنع طلوع الشعر نهائى ولو عايزه تخخفى الالم ممكن تستخدمى كريم مخدر اسمو emla بتشتريه من الصيدليه وهو تقريبا ب 10 ج بس بيعمل نتيجه كويسه تحطيه وتستنى ربع ساعه او لغايه لما تحسى ان المنطقه بدا مفعول التخدير يظهر ابدائى شغلك بقى

ضع على السويت العادى
نص ليمونه
فاسوخ مغربى اسود(شبه العجوه)
نص معلقه صغيره مستكه مطحونه
3 معالق شبه مطحونه

فوائده:
الفسوخ مع اختلاطه بالمستكه ومزجه بالحلاوه عند القيام بنزع الشعر.. الجلد يمتص فوائد الفسوخ والمستكه الذى يعمل بطبعه بتأخير نمو الشعر هتشعرى بأن شعرك فعلا أتااخر فالطلوع
اول مره تعملى بيه هتلاقى شعرك اللى كان بيطلع بعد اسبوعين ولا تلات اسابيع بقى يطلع بعد شهر والمره اللى بعدها شعرك هيطلع بعد شهر ونص واللى بعدها بعد شهرين وفكل مره هيتأخر طلوع الشعر وهيخف..والشبه بتجلى الجلد وتفتح
ولو مش عندك فاسوخ اعملى الحلاوه العاديه اللى انتى متعوده عليها

طريقه عمل الحمام المغربى
قبل القيام بعمل حمام مغربى قومى بوضع خلطة بياض الجسم قبلها بيوم عباره عن علبه جليسلويد+علبة فكس+علبة صغيره فازلين+صابون دوف مبشور+ليمونه كامله)

¸طريقة الحمام المغربي\

*تسخين الحمام بترك الماء الساخن يملأ البانيو مع إغلاق كل منافذ الهواء (الباب و النوافذ)، المهم هو أن يملأ الحمام بالبخار.

*اجلسي في البانيو المليء بالماء الساخن او السونا (حسب تحمل بشرتك) لمدة 15 دقائق. بعد ذلك أجلسي على كرسي، لأن المرحلة التالية تلزم أن تخرجي من الماء.

*في إناء أخلطي الصابون المغربي

(وهو على شكل كريم متماسك ولونه أسود) مع عصير الليمون الحامض (ولا تنسي وجهك وركزي على المناطق الدهنية في بشرتك). يتم ترك الصابون على الجسم حوالي 10 دقائق. أما بالنسبة للوجه فأشطفه في الحال لكي لا تؤذي العين ويتم تكرار وضعه على الوجه مرة أخرى (لأن الوجه يكون دهنياً أكثر من باقي الجسم).

* أشطفي جسمك بالماء الساخن جيدا وقومي بفرك الجسم بالليفة المغربية

بشكل دائري (من الأعلى إلى الأسفل باتجاه القلب حتى تحفزي وتنشطي الدورة الدموية ولزيادة سرعة الأكسجين في الجسم) أبدئي بوجهك ثم عنقك ثم صدرك وبطنك ثم يدك ورجلك وظهرك. وركزي على المناطق الخشنة في جسمك مثل الكوعين والركبتين ثم اغسلي جسدك بماء فاتر

*بعد ذلك قومي بإزالة الرؤوس السوداء من وجهك حيث تكون البشرة في هذه الأثناء متفتحة المسام فيسهل إزالتها، قومي بلف ورق كلينكس أو قطعة ثوب معقمة على سبابة كل يد ثم قومي بعصر كل حبة وأحرص على إخراج كل ما بداخلها وقومي بعمل ذلك مع كل النقط التي في وجهك، مع التركيز على الأنف وجوانبه والذقن ثم باقي الوجه.
* ضعي الغسول (طمي مغربي) مخلوط بماء الورد مع عصير الليمون على كامل الجسم وعلى الوجه وأتركه لفترة من خمس الا عشر دقائق

في هذه الأثناء قومي بتنظيف قدميك بالحجر حيث تكون رطبة وتسهل عملية إزالة الخلايا الميتة.

* اغسلي كل جسمك بالماء البارد مع الصابون الطاؤوس المغربي


ثم اشطفيه جسدك جيدا بالماء البارد لغلق المسام

*في هذه الأثناء قومي بتنظيف قدميك بالحجر حيث تكون رطبة وتسهل عملية إزالة الخلايا الميتة.

* اغسلي كل جسمك بالماء البارد مع الصابون الطاؤوس المغربي ثم اشطفيه جسدك جيدا بالماء البارد لغلق المسام

*أفضل خطوة بعد الحمام انك تدهنين جسمك إما بزيت اللوز الحلو لأنه يفتح وينعم أو زيت جونسون للأطفال. واذا توفرتم على زيت اركان المتواجد فقط في المغرب استعملوه فهو يرطب البشرة ويصفيها وهو احسن زيت..

***امتنعي عن وضع أية كريمات أو معطرات جسم أو أي شيء بعد الحمام مباشرة خوفا من انسداد المسامات المفتوحة فيسبب التهابات أو اسوداد للمنطقة..
الصبح حضرى فستان فرحك .. وطرحتك
اشربى عصير برتقال وافطرى وهيصي براحتك .... وافرحى بس ماتتعبيش نفسك وتكونى نايمه كويس اصلا.واعملى( حمام سخن ومعاه كريم العروسه لتعطير وسنفره جسمك اللى قلناهم فوق

والف مبروك يا عروسه هو انا عارفه ان الموضوع طويل ومتعب بس انتى لو متعبتيش ليله فرحك هتتعبى امتى