لحظة تأمل

[أ/مصطفى محمود]

المشاركة الأصلية كتبت بواسطة حسام الدين ريه

انا مش هاقول لك احمد ربنا . انا هاقول لك ما تحمدش ربنا . مبسوط كده . ومش هاقول لك سيب الازهر . لا ده افضل عقاب ليك انك تفضل فى الازهر . ومش هاقول لك الازهر فيه رجالة لان فعلا الازهر ما فيهوش رجالة . عشان شافوا وقرأوا كلامك ده وشتيمتك ليهم ووصفك لهم انهم مش رجالة وما فيش حد رد عليك وسكتوا ومنهم اللى هايقولوا برافوا عليك احسنت . بس اسمح لى اسال حضرتك سؤال : هو يعنى ايه كلمة رجالة ؟
الرجولة انك تعمل اضراب عن الشغل وانت بتقبض مرتبك اول باول . ما عملتش ليه اضراب عن القبض كمان ؟ ازاى تقبل انك تقبض راتب يوم انت اضربت فيه عن العمل ده حلال وربنا هايبارك لك فيه؟ طب ازاى ؟؟
ازاى بتبص لرزق غيرك وما انتاش راضى برزقك ؟ ازاى بتبص للى فوقك وما بتبصش للى تحت منك زى ما الحديث بيقول ؟ ليه دايما بنبص للبنوك والكهربا والشرطة ؟ ليه ما بتبصش مرة على موظف المحليات والمدرسين اللى قبلك وبعضهم علمك وطلع معاش وما لحقش حاجة اسمها كادر ولا مكافأة امتحانات وعنده بنت على وش جواز او ولد خلص تعليم ومش لاقى شغلانة ومعاشه ع القد ولما بيقرا ويسمع كلامك ده بيستغرب ويقول لك تعمل ايه لو كنت مكانى ؟ لما تبص على مرتب اللى فى البنك ما بصتش ليه على تعبه وهو قاعد يشتغل كل يوم سبع تمن ساعات شغل من نار وسيادتك قاعد نص السنة فى بيتك ولما نطلب منك حصة احتياطى او حصة فوق نصابك القيامة بتقوم. لما نقول لك الحضور من 8 - 2 بتبقى عاوز ت*** قتيل ؟ هو مش عارف يشتغل شغلانة بعد الظهر ممكن يكون له ارض او مشروع او شغل خاص برضه ايه المانع ؟ وانت ليك شغلانة واتنين وثلاثة . عندك اجازات بتخليك تقعد مع عيلتك وتعرف تزور حبايبك وفى رمضان نايم وحتى لو فى شغل ثلاث اربع خمس حصص فى اليوم يعنى ما يكملوش ثلاث ساعات من شغله ؟ لو حسبتها كويس تلاقىه بيشتغل اضعاف اضعاف شغلك . كما انه جهة بتدر دخل بيدى مش بياخد .

عاوز تشتم اشتم براحتك.لا انا هاخاف منك ولا هارد عليك . المحترم محترم لنفسه وكل اناء بما فيه ينضح

المشاركة الأصلية كتبت بواسطة عبدو عصر

يا سيدي الفاضل مش ذنبنا إن مهنة التدريس فيها أجازة في نهاية العام الدراسي وهذا ليس معناه ان نكون في اضمحلال علشان رواتبنا الزهيدة

أين هي الاجازة التي ذكرتها حضرتك
معلم الازهر الوحيد في العالم الذي يعمل طوال السنة ( و اخص معلم الاعدادي و الثانوي )
دراسة>>امتحانات نقل لمدة شهر و أكثر >>امتحانات شهادة لمدة شهرو و اكثر >> امتحانات نقل دور ثاني لمدة اسبوعين>>امتحانات دور ثاني شهادة
و و ما لبث ان وضع امتحانات دور ثالث و يمكن رابع
ثانيا
اعطني مثل من هو مثلي في الدرجة في الكهرباء و البترول أو البنوك أو شركة المياة ساعمل مثلهم بالضبط
موظفو البنوك و الكهرباء معظمهم يعملون تحت المكيفات ،، و بالكاد يعملون 4 ساعات في اليوم
بل لا أكذب ان قلت لك ان المعلم يعمل أكثر منهم ينبح صوته و يجهد نفسه مع التعامل مع الطلاب ( و هذا لا يتحمله اي احد ) يكفي فقط ان تتحمل ضغط 50 تلميذا في الفصل بأصواتهم و طلباتهم ، يكفي التحضير اليومي و الجهد العقلي الذي تبذله ، يكفي تحمل اعباء الاشراف على التلاميذ ، و اي مصيبة تحدث لطالب قد تودي بك في السجن ، و لن يدافع عنك احد..بل قد يساعدون في دخولك السجن.
أي اجازة و أي راحة تتحدث عنها أخي الفاضل
و اكرر أنا لا اريد الا مساواة مع نظيري في التربية و التعليم التي لم تتحقق في الازهر
المعلم هو الاكثر ظلما في دولتك و اخص المعلم بالازهر
المعلم هو الاقل مكانة في دولتك و اخص المعلم بالازهر ( فنحن درجة ثالثة و ليست ثانية)
قم بعمل مساواة ثم حاسب الناس على العمل
انزل حضرتك لشركات الكهرباء في اي يوم أو شركة المياه و اخبرنا عن الجهد المبذول من قبلهم
وقارنه بيوم دراسي من يوم المعلم و الضغط العصبي عليه

التعليم هو استثمار أيها الكريم ،، و لن تتقدم أمة ما دام المعلم مهدر كرامته المادية و المعنوية و الاجتماعية ،، ماد ام يبحث عن عمل اضافي أو درسا خصوصيا ليغطي نفقات بيته و يامن مستقبل أبنائه...


لا حول و لا قوة الا بالله