التعديل هيظلمنى ومش فى صالحى (من حقى اعترض)

[sheko ghost]

السلام عليكم ورحمة الله وبركاته اولا
دلوقتى كلمة الوحى اتلغت واتضافت درجتها على سؤال الشرح والاحتمال واللى اصلا (اللى هيجيبه صح صعب يجيب الاحتمال اللى فى النموذج ) هتكلم عن نفسى انا دلوقتى عملت الاحتمال صح بس السبب مش زى اللى فى الورقه عملتها ان هى بسبب الطبيعه التى رسخت فيها كده هنقص ربع بعد القسمه بعد ماكان ممكن مش انقص حاجه


فى النحو ذنبى ايه ان انا عملت الكشف فى المعجم صح تقوم درجته تتلغى وتتحط على اسلوب الشرط وانا بأستعجالى (غبائى ) استخدمت كلمة (اى) وحطيط نفسى تحت رحمة المدرس واللى ممكن بباسطه يعملها غلط مع انى عامل فعل الشرط وجوابه صح

ذنب صاحبى ايه اللى عامل الاعراب صح وعمل اسم المفعول غلط وبعد ماكان هينقص نص بعد القسمه هينقص درجه وربع


وذنب مين اللى حالل الادب كله صح وغلط فى النحو وواحد تانى يحل النحو صح ويغلط فى الادب يقوم الاتنين متساوين فى الادب والتانى يعلى عن الاول فى النحو

وذنب وذنب وذنب وذنب


ارجو ان محدش يضايق من كلامى بس دى وجهة نظرى انا مش طالب ان التعديلات تتلغى لا بالعكس بس لما نعمل حاجه نعملها صح


رايى الشخص اللى حالل الحاجه اللى متعدله صح خير وبركه بس لو عمل حاجه غلط فى حاجه تانيه من اللى متوزع عليها الدرجات يتحاسب على القديم مش الجديد


اخر حاجه (ياريت اى مدرس يقولى الراى الفصل فى استخدام كلمة اى كاداة شرط وياريت يكون بيصحح انا عملتها كده (اى انسان يسع .... يكن .......)


مساحه حره لاى راى