جروب 3 ثانوى ( علمى علوم )

[أبوبسملة ياسر خليفة الطحاوى]

المشاركة الأصلية كتبت بواسطة طالب المستقبل

استاذ ياسر ملاحظ انك متمكن يعني ليك ما شاء الله امكانيات غير موجوده عند المدرسين العربي عندك الواحد بيفهمه اكتر ما بيحفظه اه بجد

جزاك الله اخى الحبيب احمد

بارك الله فيك

جعل الله كلامك فى ميزان حسناتك

المشاركة الأصلية كتبت بواسطة never come back

طيب ليه مش بالفتحة المقدرة
الفتة المقدرة لو الكلمة اخرها الف فقط

لكن لو اخرها واو او ياء تكون الفتحة ظاهرة وليست مقدرة

والله لنتفوقن فى الامتحان
اعراب الفعل نتفوقن ايه ؟؟

فعل مضارع مبنى على الفتح لاتصاله بنون التوكيد

ومعلش كومان اللى هيا كانت ف تانية ثانوي فى درس اسم الفاعل او اسم المفعول لما يجى معموله يصلح انو يكون خبر فى جملة وف نفس الوقت فاعل او مفعول تعرب ازاى انا مش فاكرة هى كانت بتبقا ازاى بالظبط لأنى مواجهتش مثال ليها من زمان بس افتكرتها ياريت لو حضرتك فاهمنى توضحها بمثال

معمول اسم الفاعل بيعرب فاعل او مفعول به

والفاعل نقول علي سد مسد الخبر

مثال

هل قائم أخوك

قائم مبتدأ ( وهى اسم فاعل يعمل عمل فعله )

أخوك : فاعل سد مسد الخبر

المشاركة الأصلية كتبت بواسطة طالب المستقبل

استاذناياااسر
يا ريت حضرتك تعمل ملخص سريع لتعليقات النصوص مش كلها لا يعني الحاجات زي اللون الادبي والعاطفة وكده ولو النص فيه حاجات مشتركة يعني مثلا نص صخر الملتقي انت نبهتني ان كل النداءات للتحسر ده شيء جميل يا ريت لو بقيت النصوص فيها حاجات زي كدده تقولها

والله العظيم باجهزه

وانا قلت لايه فى الحصة امبارح انا هنزلهم التعليق بتاع النصوص المهمة وفى طريقة مبسطة جداااااااااااااااااا

تحت امرك

المشاركة الأصلية كتبت بواسطة never come back

هو انا ينفع اجيب مادة تانية غير العربى يا جماعة بكرة ؟؟
الانجلش مثلا لو الاحصا وارجع تانى للعربى يوم الخميس
ولا اركز عالعربى فقط اصلى حاسة الانجلش قبله قليل اووووووى وخايفة لملحقش اخلص مراجعة

لازم تركيزكم على العربي

الانجليزى كان قبل يومين تلاته

لكن دلوقتى العربي خلاص هو الاولى بهذه الايام

المشاركة الأصلية كتبت بواسطة shosho shoman

يا جماعة المستر بيعتذر علشان الكهربا قاطعة عنده ومش هيقدر يرد دلوقتى على الاسئلة
واسأل الله ان يجزه عنا خير الجزاء ويجعل هذا المجهود فى ميزان حسناته ويرزقه الله بسطة فى العلم

جزاك الله خيرا يا دكتورة شيماء

وبارك الله فيك
وجعل الله كلامك فى ميزان حسناتك

الكهرباء بقيت حاجة لا تطاق

الحمد لله رب العالمين

المشاركة الأصلية كتبت بواسطة (بالقرآن نحيا )

شكلهم كدا زهقوا مننا ولا ايه اجمااااااااعة
ههههههههههههه
بس برضه احنا علي قلبهم

احنا مش بنزهق يا فالحة

ولو بنزهق كنا زهقنا منك

هههههههههههههههههههههههههههههههههههه