قصيدة فى سبيل الشهادة

[galhomfares]

أول تجربة لابنى كتبها يوم الثورة أردت أن أعرف رأيكم فيها مع العلم أنه ما زال فى الصف الثانى الإعدادى
قصيدة في سبيل الشهادة

بأهدي تحية و بأهدي سلام لولاد مصر الجدعان
ماتوا في سبيل شيء فان وقالوا هنجيب لمصر الامان
ام الشهيد بتنادي.......راحوا فين ولادي
و لادك في الجنة في احلي نعيم...... مع الرسول ....رسولنا العظيم
فمتبكيش يا ام الشهيد بالقوة صابرة ذي الحديد
ابنك طاير باسم جديد اسم شهيد
و نمد الايد لله كعبيد لله كعبيد
بأهدي تحية و بأهدي سلام لولاد مصر الجدعان
.....مش هنسمح بأي إبادة حتي لو سبيل الشهادة
حتي لو سبيل الشهادة و ذي محمد وبردوا غادة
الدم لسه علي السجادة و يوم القطر مات طلاب و معاهم دادة
كل ده حصل و احنا نائمين علي الوسادة
فيارب سامحنا فأنت رب العبادة ...انت رب العبادة
بأهدي تحية وبأهدي سلام لولاد مصر الجدعان
خلاص الظلم مات و الحق ظهر بالذات
فكرين حكاية قوم عاد... مش كانت القوة مئات
عاد الشباب الحق عاد
بالفيس و بردوا جروب و شات
قالوا شباب فرافير... يومين زهأ و يطير
صدق يا ريس دمك خفيف أنت و حبيبك الظريف
ما تساووا بجد حق الرغيف
حبيبك عامل لي راجل عنيف
عامل لي فيها راجل شريف
وهو يا عيني حرامي عفيف
بيسرق في صيف ربيع او خريف
لطيف بجد دموا خفيف
حرامي كبير حقيقة ده شير
شير في الخير شير بضمير... مش قلتوا علي الفيس شباب فرافير
و يومين زهأ و يطير ... مين الي هيطير في النهاية ... و ده خلاصة الحكاية
قلت الي عندي في أجمل كلام.......كلام معبر بالمعني تام
و لو شكينا عن الآلام هنعد سنين و أكثر كمان
ده كلام سياسة يا بيه ...يا مدام مش اي حاجة خلاص و سلام
مش هنسمح باي إبادة حتي لو سبيل الشهادة ..
حتي لو سبيل الشهادة....
أحمد جلهوم