ردا على قصيدة أخوان لهشام الجخ

[حميد بدوى]

ردا على قصيدة أخوان لهشام الجخ

الكل ماشى مع الهوجة
وكل من هب ودب
نازل شتيمة فى مرسى والاخوان
وكأن هى دى الثورة
وهو كدا بقى بطل قومى
وفارس الفرسان
والكل بيطبل وشغال
أحلى شغل مع الاعلام
والكل قالب على الاخوان
وهشام الجخ بيسخر من مرسى كمان
وبيتكلم عن الساعة وعن الجماعة

بالذمة ده أسمه كلام
وعامل قصيدة ويقولك أنا أخوان
الاخوان فى كل مكان
من مطروح لاسوان
ولا هما هولندين ولا هما امريكان
أنا نفسى اللى يعارض مرسى
يعارض سياسة


ويعمل حاله فيها فتى الشاشة
دا حتى أبراهيم عيسى بقى صورة
طبق الاصل من توفيق عكاشة
أنا مش مع الاخوان ولا مع مرسى كمان
بس مليت من الاعلام
و كمان لازم يكون فى شوية أدب وأحترام
ومرسى رئيس منتخب مهما كان
والشعب أختاره ولازم يتحمل نتيجة أختياره
صح ولا أنا غلطان
وحتى لو مش رئيس
فى حاجة أسمها أحترام الانسان
أنا عايز أعرف كنتم فين من زمان ؟؟
راح فين الادب يا بتوع الادب
وأوعوا تنسوا أن بالحب والعطاء تبنى الاوطان
مش طول اللسان
ولو الحال فضل على كدا هانرحوا فى خبر كان
ولازم نعرفوا أن العالم فى حالة سبق
وأحنا فى التوهان
الشعر مش أفعال وأوزان
الشعر كلمة حق فى أى زمان ومكان
الشعر صوت أذان
وحب الوطن مش أغانى ولا أفلام
ولا حتى قصايد وكلام
حب الوطن عمل وأصرار وأيمان
وياريت نتعلموا الادب والاحترام
عشان لما نحترموا بعضنا
العالم
هيحترمنا كمان
وساعتها بس هيكون فى قيمة للانسان
وهيكون لنا شكل ولون ووجود وكيان

الشاعر
عبد الحميد بدوى