أخبار المعلمين المنقطعين بمحافظة كفر الشيخ و المحافظات الأخرى

[معلمه من المنقطعين]

[SIZE="5"][COLOR="Blue"]

المشاركة الأصلية كتبت بواسطة روتي حبي

و الله خبر حلو فعلا بس لو سمحتي ايه الورق المطلوب لعمل هذه الاجازه و ما هي صيغة الطلب المقدم للمحافظ؟وهل مدة الاجازه تنتقص من العقد و لا لا ؟
و لكي جذيل الشكر

الحمدلله اتا اخدتها وسافرت خلاص وللاسف الورق مش معايا بس انا هاقوولك على اللى فاكراه هتكتبى طلب انك عايزه اجازة مرافقة زوج (زيك زى اى معلمه عاديه) ويمضى عليه مدير المدرسه بالموافقه وخلى بالك يكتب ان المذكوره تعمل بالعقد بس او انك متعاقده اوعى يكتب نهاية العقد 30-6 ويرفع الطلب للاداره ولو قالك ملكيش قوليله لا ليه دسوق وقلين وفوه فى ناس اخدت فيها وتاخدى الطلب وعلى الاداره على طول ويكون معاكى1- صور العقود بتاعتك 2-صورة اول اقرار قيام بالعمل 3- اصل وصورة قسيمة الزواج 4- افاده ان العلاقه الزوجيه لازالت قائمه ومتقوليليش القسيمه موجوده لالالالالازم الورقه دى تكون ممضيه من 2موظفين ومختومه بختم النسر 5-اصل وصورة جواز سفرك ويكون فيه التاشيره 6-اذا زوجك واخد اجازه فى مصر تروحى مكان شغله وتجيبى افاده انه بيشتغل فى المكان ده وواخد اجازه للعمل بالخارج لمدة سنه من تاريخ السنه اللى احنا فيها للسنه الجايه 7- صورة العقد بتاع زوجك اللى بيشتغل بيه هناك 8- صحيفة احوال واوعى يكتبلك فيها انك عقد منتهى اوينتهى فى 30-6 يكتب متعاقده ويسكت وتروحى الاجازات فى ادارتك واذا قالولك ملكيش عارضيهم لان الموضوع جديد وخدى نفسك وروحى للاستاذ نسيم فىكفر الشيخ فىالاجازات وتاخدى منه صورة الفاكس اللى من المحافظ وتحتفظى بنسخه ليكى وهو هيوجهك تعملى ايه لانى بصراحه خايفه اكون نسيت حاجه وعلى فكره الطلب اللى المدير هيمضى عليه يمضى عليه الموجه وبالتوفيق وتحت امرك لو اى اسئله تانيه وبالمنسبه حضرتك ادارة ايه