جروب 3 ثانوى ( علمى علوم )

[~ Smile 4 Life ~]

المشاركة الأصلية كتبت بواسطة ahmed ali12345

على فكرة واحد من الوزارة قال مش لازم يكون الاسئلة اللى هتمتحنوها من داخل الكتاب لان الكتاب للاسترشاد فقط

يا جماعة بالله عليكوا بلاش أخبار من النوع ده..
الامتحان خلاص اتحط وأيا كان شكل الامتحان هندخل ونحله

والكلام ده بيطلعوا يقولوه كتير..
السنة اللي فاتت طلعوا ونبهوا وقالوا الامتحانات جاية لقياس مستوي القدرات عند الطلبة
وان لازم ييجي فيه أسئلة تميز مستويات الطلبة

ورعبونا ع الفاضي..دخلنا الامتحانات والله كل الاسئلة في مستوي الطالب المتوسط
بس الحكاية وما فيها انها كانت عاوزة طالب داخل الامتحان مركز ومش متوتر
وواثق من نفسه ليس الا

اما بالنسبة لأسئلة من خارج الكتاب المدرسي..فهم قصدهم
ان الأسئلة مش تحت شرط تيجي بالنص من الكتاب
وخاصة المواد العلمية زي الرياضة او الفيزيا..ممكن يغيروا في طريقة السؤال أو الصيغة
لكن الفكرة نفسها من كتاب الوزارة..ما هم مش هيجيبولنا حاجة من برة المنهج!
وان شاء الله الامتحانات هتيجي سهلة..ومفيش داعي للخوف
وأنا بذكر نفسي وبذكركم "قل لن يصيبنا الا ما كتب الله لنا "
توكلوا علي الله وسيبوا الأمور علي بارئكم..وخلوا عندكوا ثقة في الله