رسالة الى عبد الرحمن الابنودى

[حميد بدوى]

أية يا عبد الرحمن لو كان
صوتك عالى أيام مبارك كدا
كنت أقول أنك فارس الفرسان
تصدق بالله
كنت بتوحم أسمع صوتك زمان
وأنت كنت فى التوهان
كنت فرحان بالامن والامان
ومحروق ابو الشعب الغلبان
وكنت مشغول بجمع السيرة الهلالية
والسيرة الذاتية
وجوايز الدولة التقديرية
ومدح الحاكم والسلطان

وجعت قلبى يا عبد الرحمن
الشعر مش بس كلمة الشعر طوفان
الشعر ثورة وكلمة حق
فى زمن النفاق والخسران
الشعر صوت اذان
فى زمن الظلم والطغيان
كنت فين من زمان
الله يرحمك يا عبدالرحمن
لاعمرك كنت خال ولا كنت خيال
كنت نفسى أشوفك فى الميدان
قبل الميدان بزمان
انما لاقيتك فى لجنة السياسات
ومرمى فى حضن مبارك وجمال
وجاى دلوقتى وعامل فيها فارس الفرسان
وأبو الشجعان
ونازل شتيمة فى مرسى والاخوان
أنا عارف أن معاك حق بس الاحق
أن كنت تقول كدا زمان
وأرجع وأقولك كنت فين يا عبد الرحمن ؟؟؟؟؟

الشاعر
عبد الحميد بدوى