حلمي في بلدي .......مفيش

[rainy]

حلمي في بلدي........مفيش
اسمعوا مني يا شباب بلدي
حكمة عمري اللي مجربها
يا اللي بتحلم تعلا في بلدي
عمر الحلم مابيكبرها
لازم كلنا نصحى نفوق
شكله المستقبل مخنوق!

انا عندي تجارب بالكيلة
ام و اب وكل العيلة
وكل اللي انا شفته معاكم
اعصار و شوية و هيفوت
بس يا عيني عليكي يا بلدي
يا اللي شبابك كله تحدي
اعصارك اثره مش مادي
ده بي*** في نفوس و قلوب

لما الحلم معانا بيكبر
يتحكم فينا و يسيطر
و نيجي نحققه بيموت
انا موت حلمي ماموتنيش
مع موت حلمي لسة بعيش
ببني في احلامي تانية كتير
بس بنا احلامي الجاية
بتكون في ظروفي الواقعية
يعني ماببنيش قصر في مية
ولا بخلي من الصحرا عريش

لكن وفي لحظة منسية
اجي احقق حلمي بأدية
ألاقيه يطلع على مفيش
وأبدأ تاني أحلم تاني
اصل انا حلمي مابيسبنيش
بس برده مابيعشليش

عيني عليكم يا شباب بلدى
يا اللي باحلامكم شواكيش
كل متحلم حلم يعدي
فوق راسك بشاكوشه يديك

وده حال كل شباب بلدي
مهما بيعمل يلقى مفيش
واللي هدفة يموت حلمي
انا حلمي مابيموتش قتيل
واللي يساهم في ضياع أملي
كل أماله هتبقى مفيش

تنسيق عالي و اسئلة صعبة
ونسأل ليه؟ ..يقولوا مفيش
سنتين فيهم لفيت بلدي
درس و مدرسة و مشاوير
ومدرس بيقولي: تعدي
والتاني: هتفشل ده اكيد
و التالت: مانتوش نافعين
والرابع بيقولي: يا ولدي
مهما هعمل برده نصيب
و نصيبك شغلانة شريفة
تقبض منهم كام مليم

مش عارف ليه بس يا بلدى
أحلامي بتصبح كوابيس
واللي بيحلم فيكي يعدي
عقله راح يسرح لبعيد
وفي مرة يسرح مايجيش

بس انا برده هاحلم بيكي
وبمستقبل ابنيه فيكي
مهما يكون الحلم بعيد
بس يا رب اخرة أملي
مايكونش دخان و يطير

أيه بقى رأيك يا شباب بلدي!!
تصحى من نومك مفزوع؟؟؟؟؟؟؟
ولا تآمن بمصير بلدي؟؟؟؟؟؟؟؟؟؟؟؟
ولا نأفل عالموضوع؟؟؟؟؟؟؟؟؟؟؟؟؟؟؟؟