اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > قصر الثقافة > القسم الأدبى

القسم الأدبى قسم يختص بنشر ما يكتبه كبار الشعراء والأدباءء والفلاسفة

 
 
أدوات الموضوع انواع عرض الموضوع
Prev المشاركة السابقة   المشاركة التالية Next
  #1  
قديم 17-02-2013, 08:55 PM
الصورة الرمزية دمياطية
دمياطية دمياطية غير متواجد حالياً
مدرسة علوم ابتدائي
 
تاريخ التسجيل: Aug 2008
المشاركات: 279
معدل تقييم المستوى: 16
دمياطية is on a distinguished road
افتراضي مـوقــف يحتــاج إلـــى تـأمـــل



مـوقــف يحتــاج إلـــى تـأمـــل
ّّّّّّ------------------------------

فيه صديقة ليا كانت مهمومة قوى وكل ماحد يتكلم معاها أو حتى يسألها مالك تهز رأسها و تقول الحمد لله وكانت تدور وشها الناحية التانية و تتوه بعنيها فى كل الأماكن كأنها بتدور على حاجة مش لقباها ودة طيعاً علشان تدارى الدموع اللى يتتجمع فى عنيها ،
و لأننا أصحاب ومعانا صديقة ثالثة عارفين حكايتها وعارفين اللى مزعلها وحاولنا كتير نغير حالها بس هيا زعلانة قوى قوى ومن جواها مكسورة قوى قوى ،
إحتارنا نعمل إية معاها ممابين الجد و التهريج والهزار اللى بيحسسها وقتها بسذاجتنا ومابين شراء نوع الشيكولاته اللى بتفضله داً لما بتكون حالتها عادية ... وبرضه مافيش فايدة ،
و لأن الوضع اللى هيا فيه دة ما ينفعش يطول لأننا كدة بنفقدها برّاحة وخايفين عليها و على صحتها قررت أنا وصديقتنا الثالثة نتخذ موقف معاها يمكن يجيب فايدة ،
روحنالها و قعدنا نعيد المشكلة اللى عندها بصراحة بطريقة فظة وتنرفز و بينى و بينكم (( لو حد تانى مكانها كانت ضربنا بأقرب حاجة له )) ، مش علشان نضايقها علشان بس نكشفها حقيقة الموقف دة ،
وكمان قعدنا نعدد سيناريوهات تانية ليها خاصة بالموقف دة غير اللى حصل وسبحان الله كان كل سيناريو بيكون أسوأ من اللى قبله وماكنش عن قصد دا بيطلع من نفسه كدة ،
بعد تقريباً 10 دقايق و إحنا على الحال دة و مقولكمش يعنى كنا عاملين زى العصابة عليها ،
لقيناها بدأت تهدى و تقولنا بجد الحمد لله على الحصل ... السيناريوهات الكئيبة بتاعتكوا دى لو كانت حصلت معايا ماكنتش هأستحملها ، الحمد لله و الشكر لله على كل اللى جرى ،
لما لقناها هديت سألتها صاحبتنا سؤال بصراحة جاب الخلاصة ؛
لو رجعنالك الزمن لورا هل كنتى هتتصرفى تصرف تانى و يكون ليكى رد فعل مختلف ولا كنتى هتعملى نفس الشىء ردت و قالت : لأ نفس الشىء ماكتش هأغيره هو دة - الصح وقتها و الصح دلوقتى و اللى يرضى ربنا ،
بمجرد ماقالت كدة الصراحة إحنا بصينا لبعضنا و إبتسمنا إبتسامة خفيفة لأنها كدة بدأت تتجاوب معانا ووصلت لها الرسالة اللى إحنا قصدينها ، و اللى هيا :
فى أى موقف يعدى عليك لو هتآخد فيه قرار خليك محايد إتعامل مع المشكلة على أنها تخص حد تانى و إنت مطلوب منك تنصحه ،
عدد الخيارات اللى قدامك وناقش البدايل اللى تعرف تتوصل لها ،
ولو وقفت دماغك معاك إسأل أهل الخبرة اللى تتعشم فبهم العقل و الرشاد و قبلهم الأمانة ،
وقت أخذك للقرار إحذر إنك تظلم حد أو تجرح حد أو تآخد حق حد ،
وماتنساش تراعى ربنا حتى لو قرارك دة صعب عليك قوى قوى وهيجرحك إنت قوى ،

صدقنى /صدقينى :
هتلاقى ربنا بساعدك ولو الموضوع محتاج نسيان هينسيك ،
لو فيه خساير هيعوضك ، لو فيه ألم هيرضيك وهيرضيك قوى وبطريقة ماتتخيلهاش ،
علشان ........... ربنا كبيـــر كبيـــر قـــوى قــوى قـــوى

★☆.. raSHa ..★☆
__________________
* يقول الإمام الشافعى
من لم يذق مر التعلم ساعة ** تجرع ذل الجهل طول حياته
ومن فاته التعليم وقت شبابه** فكبـــــرعليه أربعـاً لوفاتــــه
وذات الفتى والله بالعلم والتقى**إذا لم يكونا فلا إعتبار لذاته
رد مع اقتباس
 

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 02:25 PM.