لو يوم حظك تاه منك

[الاستاذة نجلاء علي]

لو يوم حظك تاه منك

لو يوم حظك تاه منك
وتعبت من الجرى وراه
أوعى فى يوم تفقد إيمانك
قول لااله الا الـلـه
لو رجليك تعبوك من اللف
لو فى عينك دمعه مابتجف
لو حسيت جواك بالضعف
قول لا اله الا الله
لو مش قادر تسعد ولدك
لو حسيت بالغربه فى بلدك
لو زليت ومحدش سندك
اوعى فى يوم تفقد ايمانك
قول لا اله الا الله
لو حسيت إن انت وحيد
وسهران تبكى فى ليله العيد
لاأم ولا أب ولا لبس جديد
إوعى فى يوم تفقد ايمانك
قول لا اله الا الله
لو سهران وحدك بالليل
بتفكر والحمل تقيل
لو دمعك حرق المنديل
إوعى فى يوم تفقد ايمانك
قول لا اله الا الله
لوعينك على حاجه بصيره
وفى نفسك واليد قصيره
لو فرشك ع الارض حصيره
إوعى فى يوم تفقد إيمانك
قول لااله الا الله
لو اللى فاكرهم بيحبوك
وكانوا بيقولوا محال ينسوك
قفلوا الباب اول ما شافوك
إوعى فى يوم تفقد إيمانك
قول لا اله الا الله
لو قاعد إيدك على خدك
ودموعك طوفان بيهدك
ولا جار ولا صاحب بيودك
إوعى فى يوم تفقد إيمانك
قول لا اله الا الله