موقوف

[نحلة المنتدى]

ازيكم يا اعضاء المنتدى
كنت عاوزه اشاركم معايا ف احساسى الى انا حاسه بيه
هو ليه الناس الى احنا بنحبهم اوى بيختفوا من حياتنا فجأه من غير ما نحس
وليه بيبقى فيه ناس ف حياتنا لكن وجودهم مش حاسين بيه
ليه كل الناس الكويسه حوالينا بتضيع من ايدينا
وف نفس الوقت مش احنا الى بنضيعهم
معقول ده القدر!!!!!
لا استحاله قدر ايه
ده لو كان الموت سعتها نقول ده القدر
لكن ديه ناس بتختفى من حياتنا بعد اما كانت شئ كبير جدا بالنسبه لنا
وبنلقيهم بيتفرجوا علينا واحنا بنتعذب بفراقهم
بيمروا مرور الكرام
ومش بنلقيهم تانى
معقول ده القدر؟؟
سمحونى اذا كنت اتكلمت بالعاميه وبطريقه مش لائقه
بس غظب عنى ده احساس
لو غياب الناس عننا وخروجهم من حياتنا سببه غلطه احنا عملناها ف حقهم
يا ترى المفروض علينا نموت نفسنا عشان الغلطه ديه ؟؟(وف نفس الوقت احنا عملنا الى نقدر عليه عشان يفضلوا ف حياتنا)
معقول هو ده القدر؟؟
معقول لما حد يسالنا ويقولنا ليه حصل كده
المفروض نرد نقول ده قدرنا ؟؟؟؟
ياريت كل واحد فينا يبص حواليه ويشوف ف كام واحد ف حياته بعد عنه من غير سبب او حتى لو كان السبب غلطه منه(فين التسامح)
واذا كنا بنتكلم هنا ف نطاق المنتدى
فكل واحد فينا يدور ويشوف كام عضو هنا ف المنتدى اختفى منه فجأه(موقوف)
او موجود وغير موجود ف نفس الوقت
والسؤال الى عاوزه اساله ليه احنا ديما بنعامل الناس والناس مش بتعاملنا بالمثل
ليه ديما احنا بنسامح ع اى حاجه والناس مبتسامحش
ولا المفروض نتعامل مع الناس بالمثل ؟؟؟
ولا نفضل نقول ديما لنفسنا لا احنا لازم نتعامل بطبيعتنا ؟
يا ترى ايه الاحسن
نتعامل بطبيعتنا ونفضل نسامح نسامح نسامح
ولا نتعامل بالقناع
الى كل الناس لبساه؟
ليه منسبش مشاعرنا تخرج من قلبنا زى اما هى بدون ما نزيفها
ليه كل الناس مش بتتعامل بتلقائيه ؟

بعتذر للاطاله