حالة الطوارئ

[abomokhtar]

الدكتور ياسر نجم يكتب /

أغبى وأجهل خلق الله هم اللى رافضين حالة الطوارىء على الفيس بوك دلوقتى...

أولا: فيه فرق بين قانون الطوارىء اللى كان موجود فى مصر من الخمسينات
لحد السنة اللى فاتت وحالة الطوارىء اللى موجودة فى كل دساتير العالم وبتطبقها كل دول العالم فى حالات الكوارث...

ثانيا: تونس من ساعة الثورة مقضياها حالة طوارىء طول الوقت تقريبا..وكل ما يحصل حرق قسم يطبقوها تانى...

ثالثا: حالة الطوارىء ونزول الجيش حصل فى كل الدول الديموقراطية مع كل كارثة فى السنوات الأخيرة وأكترهم أمريكا..

رابعا: هو المفروض الحل ايه فى مدينة تحولت لساحة معركة حربية وضرب نار فى الشوارع وحرق ونهب منشآت عامة واستخدام أسلحة ثقيلة ومدافع وجثث فى الشوارع والناس لا عارفة تروح ولا تيجى..؟

خامسا: المضحك بقى اللى زعلانين من نزول الجيش فى اطار وضع العسكر فى الدولة والدستور..وتدخل الجيش فى الشأن المدنى..
ده على أساس يعنى ان المدن اللى نزل فيها الجيش بتنعم بأزهى عصور الديموقراطية والحياة المدنية السعيدة الرافهة ونزول الجيش هو اللى هايبوظ العرس الديموقراطى ؟

سادسا: أدعو لمد حالة الطوارىء لتشمل كل محافظات الجمهورية مع إطلاق النار فورا بعد التحذير على كل من يحاول اقتحام قسم أو منشأة عامة أو خاصة..