لو الاهلى اللى بيقع

[حميد بدوى]

لو الاهلى اللى بيقع
كان لاقى الف مليون راجل أعمال
أنما مصر اللى بتقع
أكسرها أضربها كمان وكمان
أنا مش عارف رجال الاعمال
اللى عملوا فلوسهم من مصر
واللى نهبوا خيرها
دلوقتى بينتقموا من مصر
عشان خاطر الاخوان
ومفكرين مصر هى الاخوان
بيحلموا لسه يرجعوا النظام
بالذمة دا أسمه كلام

ياريت يكون فيه رد
من ولادك يا مصر
اللى متغربين فى كل مكان
وياريت الرد ما يغبش
عشان الظروف ما تستحملش
وحب مصر مش كلام
ولا أغانى ولا أفلام
وعمر الحب ما بيحتاج دعاية ولا اعلام
اللى بيحبها بجد يعمل ما يتكلمش
وطول عمرك يا بلدنا بلد الرجال
ومحروق أبو رجال الاعمال
الحب عطاء وعزيمة و أ يمان
ولازم نعرفوا أن بالشعوب
تبنى الاوطان
والموضوع دلوقتى
مش موضوع أخوان
لو حتى كنت بتكره الاخوان
مصر مش الاخوان
مصر هى انت وانا والشعب الغلبان
ولو مصر وقعت يبقى احنا اللى وقعنا مش الاخوان

الشاعر
عبد الحميد بدوى