رساله من أشواقى

[شاعر الجروح]

رساله من أشواقى

.........................

السلام عليكم ورحمة الله وبركاته

قلبى بيسلم وباعتلك سلامه بدقاته

تعرفى انا مين؟

انا زورتك فى الحلم من سنين

انا اللى مالكه قلبه وعايشه جوه العين

انا اللى بدعى يخليكى ليا وبقول أمين

تعرفى انتى ايه؟

انتى كل حياتى وكل أمل عايش بيه

انتى اللى ساحره قلبى سحر ما ينقدر عليه

انتى اللى بتخلى حياتى جنه وبتهنا وقلبك دايب فيه

احنا فى زمن جميل

وفراقنا ده شئ مستحيل

بنكون مع بعض طول النهار والليل

بعد التحيه

,,,,,,,,,,,,,

دى مش قصيده يا قلبى .. دى رساله

مهما يحصل يا عمرى بعدك عنى إستحاله

مهما كان الكلام . مهما كان الغرام

عاشق غرامك هيامك سلامك يا أجمل حاله

دى حتى مش خواطر .. ده جواب

كتبه قلبى اللى من غرامك داب

كتبه قلبى اللى فى جنتك طايل السحاب

كتبه قلمى الولهان الهايمان الإنسان يا أعز الأحباب

بعلن وبقول قدام الناس

انا دايب فى ملكة الإحساس

لو روحتم لساحر حيقف عاجز ويقول ده عاشق بإخلاص

بعلن وبقول بكل طموح

انا حبى ليكى ده شئ مسموح

نبنى بيت أو أجمل صروح

دايب والله دايب شاعر الجروح

كل الأغانى وكل الأمانى

ملكتى زمانى . مليتى كيانى

دوبتنى وجدانى .. مقدرش أقول تنسانى

كل حياتى . كل أهاتى

انتى ذكرياتى . ملكك ساعاتى

حتى فى وفاتى . حتبقى مراتى

ده مش بمزاجك ده غصب عنك وعنى

اعمل ايه؟ اصلك عايشه جوه منى

حبك بيطمنى .. بعدك بيرعبنى

معلش هى رساله طويله

بس أخلصها .. هاها دى مستحيله

أحلى نظره وأحلى غمزه

بكتب الألف وبنسا الهمزه

اعمل ايه ؟ واقول ايه؟

بحبببببببببببببببببببك

اه من حبك اللى ساحرنى

اه من قلبك اللى مالكنى

اه من جنانك اللى من الضحك مهلكنى

اه من النظره اللى بتدوبنى

اه والف اه

اصلك انتى الشريان والحياه

انتى اللى قلبك عايش معاه

انتى اللى غرامك ماشى وياه

دى رساله من أشواقى

كاتبها قلبى اللى عليكى باقى

كاتبها قلمى باحاسى وإشتياقى

يا مالكة الحب والزمان

الله الموفق والمستعان

فى النهايه بقول انتى الحب والحياه

وبنهى بلا اله الا الله

يا مالكة قلبى بدقاته

السلام عليكم ورحمة الله وبركاته

.................................................. ..

,,, شاعر الجروح ,,,,